بسم الله الرحمن الرحيم
مشكلتي كبيرة جدا ، ابنتي ذهبت الى بلدي لتكمل دراستها الجامعية ، طبعا انا ما في عندي هناك الا اخوتي ووالدتي ، حبيت تقعد عندهم في البيت ، يوم من الايام ذهبت ابتتي واخوتي الى المطعم للعشاء ، ولما رجعوا على البيت اتضح انه الكمبيوتر الذي تملكه ابنتي انسرق من بيت اهلي ، كلهم انصدموا مين اللي فتح الباب وسرقه ، طبعا لو حرامي غريب ما يسرق بس اللابتوب ، فشكينا بجوز اختي في الموضوع لانه كان مديون ، فاشتكوا اهلي على التحريات ، حتى نعرف مين اللي فتح البيت وسرق ، وبعد مناورات عديدة اتضح جوز اختي هو اللي سرقه لانه يوجد عنده مفتاح البيت ، ورفعنا قضية عليه بس طبعا هو ينكر انه سرقه ، والتحريات اثبتت انه هو السارق ، بس انا وزوجي اتنازلنا عن الدعوة لانه في النهاية جوز اختي وهو ما بيستاهل هذا الشي ، بس ربنا هواللي راح يكشف الحقيقة يوم من الايام ، وصدقوني انا مو على سرقة اللابتوب ، انا وزوجي ما يهمنا هذا الشي ، بس ليش يعملوا هيك مع ابتني ، وهي كان عندها امتحانات ، وطبعا اختي اللي زوجها سرق اللابتوب بتتهم اختي الموجودة في البيت مع اهلي وبتنكر انه زوجها هو اللي سرق ، فأنا طبعا قلت في نفسي ليش مو هي ، لانها لها سوابق قبل هيك ، شكيت فيها ، طبعا هي زعلت لاني شكيت فيها ، والله ما بعرف ، كنت عايشة بدوامة كبيرة ، وبعدين فوضت امري الى الله ، وطلعت بنتي من عندهم وهي الان في بيتي لوحدها ، وما احد يزورها ، تخيلوا ، لا اخوتي ولا احد بيسأل عنها ، حسبي الله ونعم الوكيل فيهم ، في الصيف الماضي ذهبت لعند والدتي حتى اسأل عنها طبعا اختي اللي اتهمتها ما تبي تسلم علي لانه اختي اللي موجودة معي في نفس البلد حرضتهم علي ، وسمعوا كلامها وهي بيصدقوها على اي شي ، طبعا اتخانقت معاهم وطلعت من عندهم ، لاني والله انا ما قصرت انا وزوجي معهم طول السنين ، بس الله يهديهم انقلبوا ضدي كلهم ، حتى والدتي ما تبي تكلمني ، ما بعرف شو بدي اعمل معاهم خلطوا علي وعلي زوجي ، وبنتي طلعت من البيت وما احد يسأل عنها . انا الحمدالله اني عارفة اني ما ظلمت احد فيهم ، بس هيدا الموضوع خلانا نختلف كلنا مع بعض بسبب جوز اختي الوسخ
افيدوني بالله عليكم هل انا غلطانه ، والله انا عايشة بحزن وكآبة على طول ، فوضت امر ي الى الله والله يصلح الامور فيما بيننا