بصراحة انا استغرب من هالنظرة العامة ، يعني وكان الزوجة او الزوج موظف عند التاني واجبه/واجبها الانصياع لرغبات الزوج الجنسية ... يعني الكل نزل بالست اعطيه واعمليله والا بيتزوج والا بخون ... يا سلام !

ما حد فكر فيكم ليش فيها هالحالة ؟؟؟ ، يعني وكأنه الاصل ان يكون الشخص مستعد للجنس بكل لحظة ، ما في تقديم للعملية ؟؟؟ ، هيك يعني ؟؟؟ ملعون ابو الرومانسية يا شيخ !، مش ممكن اسلوب زوجها ما في اي جذب الها ؟؟؟ ،

ليش ما تقولو ان اسلوب زوجها معها ما بيعطيها لا الوقت ولا الانسجام فيما بينهم فلا هي بتوصل للذة الجماع وبالتالي بتزهد فيه ، ولا هو بيحس بالاشباع لأنه بنتقل للمرحلة الأخيرة مرة واحدة وبذلك يحرم نفسه من متع التقديم فيظل دائما عنده احساس بعدم الاشباع ؟؟؟


عزيزتي ،

اذا كان زوجك مثقف متفهم فناقشي معه الموضوع ، ومش غلط تستعينو بمستشار/ة او دكتور/ة ، بحيث توصلي انتي وهو لعلاقة مرضية لكما معا ...

موضوع العلاقة الجنسية مش امر وتنفيذ رغبة من طرف باتجاه الاخر بقدر ما هو تفاعل مشترك ... انا ما رح اتفلسف زيادة ، بس اكيد لو حددتو المشكلة انتي وزوجك رح تلاقو حد مختص يساعدكم ...

اما نظرية الواجب في الحياة الجنسية ، انا بشوف انها بتوصل ان الشخص يعتبره واجب ثقيل وينفذه بشكل اتوماتيكي يفقده اللذه ويبعده عن الجنس اكثر فأكثر ...

وربنا زي ما اوجد الداء اوجد الدواء لكل مشكلة او مرض .

مع احترامي