السلام عليكم ورحمة الله وبركاتة
انا جدا مستائة لما حدث
انا في صدمة رهيبة
سوف احكي قصتي من البداية
انا تزوجت بشاب لم يكمل دراستة كان باقي لدراستة سنتين ونص وللان متزوجة خمس سنين وباقيلة سنتين لسا وصابرة على ظروفة المادية توظف في البداية براتب زهيد جدا كنا نمشي امورنا فيه مع مكافئة الجامعة فجاة توقفت مكافأة الجامعه وشوية استغنو عنة بالعمل المهم ادخل بصلب الموضوع
قبل فترة لقيت بمكتبة ملفين كلهم اشعار كان يحب وحدة انا ماهمني لانة كان قبل الزواج بس انا الا قاهرني ليش محتفظ فيهم اخذت الملفات وخبيتهم .
المهم قبل فترة اختي الله يوفقها اتزوجت انصدمت فية جدا صار يقلي كلام انا مااستوعبتة يقلي ماني عارف مشاعري جوتي كيف افسرها عن اختك شيء جوتي انا في نفسي اقول ايش بيخبص لاشعوري اصبحت ابكي
وانا لم انطق بولا كلمة اقول في نفسي صبرت عليه في ضعفة الجنسي وصبرت عليه لانة ماعندة دخل شهري وصبرت لانة ماكان يخلف وشجعتة يعمل العملية مع انو بعد العملية تعب بعدين اعترفلي انو كرهني في هذيك اللحضة وصبرت على الملفات التى وجدتها والان يقلي اختك سكت عن الموضوع بصراحة لانو ابو عيالي و كنت ابغا اشوف ايش اخرتها معاه والان اكتشف بانة كتب لاختي خاطرة موجودة على كمبيوترة ليش ليش ماني فاهمة مع العلم يااخواني ويااخواتي نحن عائلة ملتزمة لايوجد لدينا اختلاط ابدا اه اه اه ذهبت لبيت اهلي لكن اطفالي ماتعودو ينامو برا بيتهم ذهبت الى بيتي انا قلبي طيب جدا فسامحتة لكن يوجد شيء بالقلب شرط عليه ان كنت تريدني فبحث عن عمل هدا من حقي ومن حق ابناءة في الليل قال عظامي تألمني قلتلة انا بصراحة ماابغاك تنام معي قلي طيب بس تصرفاتي حتثبتلك اني اتغيرت مع الايام استيقظ من النوم وحضرت لة كوب حليب صحي من النوم مقفل اكلمة مايرد عليا اخدت بعضي ورحت غرفتي صار يناديني بعد شوية جا وقلي فين الملفات الا كانت بمكتبي قلتلة ماادري صار يدور عليها ووجدها رايتها بيده بالصدفة خرجت من غرفتي قلت لة فين ماخدها قال حشيلها من البيت قلت ليش من اول ماشلتها الان تبغا تشيلها قلتلة ماتاخدها قال الا ابغا احرقها قلت خليها هنا واحرقها قدامي قال لمن ارجع قالي هدي اشعار كنت محتفظ فيها لان اسلوبي كان حلو ولم استطع بعد ذلك الكتابة قلتلة لو خرجتها من البيت ماراح تشوفني تاني ابدا
اريد رايكم بقراري
اختكم حائرة حزينة
اختكم حائرة حزينة

__________________
النفوس هي النفوس بس فيها اليوم حقد ...
و( القلوب ) نفس القلوب بس ماتقدر تحب .. اللهم صلي على محمد