عزيزتي
ما شاء الله الأخوان ادلوا بدلوهم و ما قصروا

انتي ما عندك مشكلة اللحين في الزواج و في اهداف هذا الزواج ليشنك عازمة على زواج تتمني منه تكوين عيلة من جديد و يصير عنك اعيال

المشكلة في المعاناة النفسية او خل انقول في شعورك تجاه زوجك الأولي
يا أختي دام انك ما قصرتي معاه و اساسا تزوجتيه و رضيتي فيه مع علمك انه مسحور و ظليتي معاه لآخر رمق بس خلاص اعتقد دورك معاه انتهى و خليه لربه يرعاه و ما تدرين يمكن اهو بعد يحصل على الزوجه اللي يتشافى معاها من اللي فيه

ترى و الله ربك يحبك بالرغم من انك مريتي بتجربة صعبة مع زوجك الأولي لكن الله كافأك بزوج جديد و مثل ما قلتي انه على خلق و دين و هذا مو كل مطلقة تحصله بهالأيام

من رايي انك تشيلين زوجك الأولي اللحين من بالك و تركي اموره لربه و لا تنسينه من الدعاء
بس نصيحتي مثل باقي الأخوان انهي اتصالاتك معاه علشان عن جد تبدين صفحه جديده و ما تظلمي الزوج الجديد بذكريات الزوج الأولي

و الله يوفقك مع هذا الزواج و تيبين عيال يكونون قرة عين لكم اللهم آمين

__________________