اخواني واخواتي الاعزاء ... حبيت اشارك بهذا الموضوع ... لاني لاحظت تصرف زوجي وبعد
تفكير توصلت لنتيجه ...
احيانا لما توجهين لزوجك ملاحظة وتمنعينه من شيء يضره .. يسمعك ويقرر الامتناع لكنه يرجع
يكرر التصرف مرة اخرى .. فتكررين الملاحظة ظنا منك انه نسيَ .. لكن هل فكرتِ مرة انه يمكن
يتعمد النسيان ...؟
الموقف هو ان زوجي احيانا لما امنعه من شيء في ضرر له ... يمتنع عنه على طول ... لكن
يرجع يعيد نفس التصرف وانا ارجع امنعه مرة ثانيه ... وطبعا يتكرر الموقف هذا دائما .. بعطيكم
مثال يوضح لكم الفكرة اكثر ....
زوجي يوم ياكل .. يشرب بعد كل لقمة ماء ... وانا امنعه لان هذه العادة تضر بالصحة وتكبر الكرش
يسمع في نفس الوقت لكن يرجع يعيد التصرف مرة ثانيه ... كنت اعتقد انه ينسى لكن مع الايام
اكتشفت انه يتعمد يسوي جذي لانه يستانس يوم اعاتبه وامنعه ... فهو يفسره انه اهتمام وحب
وخوف على صحته ... ومن هذه التصرفات كثير ... لكن هذا التصرف انعاد اليوم ...
بتقولون كيف اكتشفت الموضوع ... سألت اخواني : لما زوجي يكون معاكم في المجلس يشرب بعد
كل لقمة ماء ؟... قالوا : لا ... وهو مانعنا نحن بعد من شرب الماء بعد كل لقمة ... ما نشرب الماء الا
بعد الاكل بربع ساعة ...
وهذي المعلومه انا عطيتها لزوجي ... 
فجذي عرفت انه يتعمد علشان يحب يشوفني مهتمة ...وانا اعاتبه دائما .. علشان ارضيه ويستانس 
بصراحه انا أيضا اكرر بعض التصرفات علشان اسمع عتاب زوجي ... لانه يدل انه مهتم فيني ..
فحبيبت اسألك عزيزتي .... هل لاحظتِ على زوجك مثل هذا التصرف ... يعني يكرر نفس
التصرف بالرغم من منعه ... وكيف تعاملتِ معه ؟ او هل منعك من تصرف وكررتيه علشان تسمعين
عتابه ؟ ونفس السؤال للاخوان ....
طبعا اقصد تصرفات مثل : النوم على البطن - شرب الماء المثلج في الشتاء - شرب القهوة بكثرة -
الاستحمام والتعرض للمكيف على طول .......إلخ
بانتظار مشاركاتكم المميزة ... والله يسعدكم ويوفقكم ويهنيكم يارب ..
06-11-2010, 12:41 AM
![الصورة الرمزية ][ لمني بشوق ][](image.php?u=227959&dateline=1264194203)
![][ لمني بشوق ][ غير متصل](traidnt-6nn-old/img/statusicon/user_offline.gif)
ضوابط المشاركة
العرض الشجري