تدري انا مع اهلك واضم صوتي لصوتهم
ارجع لزوجتك او حل مشكلتك الأول

وافهم اللي انت فيه اللحين اظن انه تلاعب شياطين بعقلك
اول خطيبة لي كل اهلي عارضوني يوم قلت ودي اخطبها
لين خطبتها من جد حبيتها لكن افترقنا
مثلك تمام
كل النصائح رميتها وراء ظهري
يوم الخطبة نصحني ولد عمي ان ما اتصل عليها ولا اكلمها ابد
ما سمعت كلامه
نصحوني بأمور كثير
لكن عملت الولد الفاهم للحياة
وافترقنا يوم افترقنا امي ظلت تبكي عليها
كل اهلي عارضوني وقالوا ارجع لها تراها انسانه ما تتعوض

بعد ما هي انخطبت من واحد ثاني انا اللي بكيت عليها

صدقني عشت اوضاع صعبة جدا جدا بعدها
لكن الحمدلله لعل اللي صار هو اللي دفعني للإطلاع والبحث والإهتمام
بكل المواضيع المتعلقة بتطوير الذات والعلاقات الإنسانية
هي اللحين اتزوجت والله عوضها باللي فيه خير احسبه كذلك والله حسيبه
شخصيا ملكتي بعد العيد ان شاء الله

هم بعد والله اني استفدت من شعور الأخوات ومشاركاتهن وكيف مشاعر الخطيبة يوم يكون خطيبها بعيد عنها وما يسأل عنها وكيف انها تكون اسيرة للهواجس والأفكار السيئة
امس رحت سلمت ع اهل خطيبتي وجلست معاهم نص ساعة واهديتها هدية العيد وقضبت الباب وحسيت والله بالفرحة ع وجوههم علشان زرتهم
صدقني ما اقوله وانصح فيه عبر لامور عشتها او قصص وقفت عليها بنفسي او اتطلعت عليها في المحاضرات
واعلمك عبارة اتعلمتها من المهندس والمدرب الدولي علي عبيد في دورة لادارة الذات
"خذ ما صفا ودع ما كدر" يقول المهندس انه تعلمها من الدكتور عبدالجليل الأنصاري
اتمنى لك التوفيق