السلام عليكم جميعا
اتمنى الاحوال والاجواء طيبة
ولله الحمد اوضاعنا مستقرة والحياة ماشية وجميلة بهالغربة
بس ما تخلى من المشكلات اللي تصير تقريبا بين فترة وفترةخاصة لمن يكون واحد منا فاضي ويتفرغ الى الطرف الاخر وما انكر زوجي بس يكون فاضي يخدمني ويساعدني في دراستي والعكس بعدددد اعملوو الشاي والخفايف والاجواء اللي تخليه ما يفكر يطلع برى البيت <<<وهذا بشهادته
عموما خلوني ادخل بالسالفة وبلى لق لق لق لق لق =)
مواضيع تصير لينا تقريبا يوميا وهي ان زوجي من جد له طريقة اسلوب في التعامل تختلف عني واااااايد يفرض حاجات الله يهديه مثلا :وهذا اتفه شي بس علشان اوضح ليكم ,لما يقول لي وهو طالع خلاص عند الباب يللا مع السلامة اقوله احيانا باي واحيانا ما ارد لانه يخليني ارد غصب مررةةة كنت اشرب ماي بنفس الفترة االي قالي مع السلامة دخل البيت وما طلع ليش ومدري ويه قلت له كنت اشرب ماي وانت ما تجبرني ارد عليك وهذا في حقيقة اسلوبي ما احب احد يجبرني احس من طيب نفسي وااايد احلى احسه بس يدقق فيني ورررربي اني اخلاق والله ما امزح ولا اجامل برووحي وبشهادة الكل وهذي كلمة الجميع :جمال واخلاق بس ما احب احد يجبرني على شي عدينا هالموضوع
سالفة الماديات وقسم بالله ما يقصر بس اللي يقهرني ما يفهم اني بنت ولازم البس واكشخ لنفسي اولا بعدين اليه وبين كل فترة اجدد بستايلي ولبسي وشعري وحتى حواجبي هالحاجات عنده ماليها داعي ورربي في بيت اهلي ما كان احد يحاسبنبي وبالعكس امي كانت تحمسنا لهالشي وهو عنده مسخررة وصرف فلوس ومدري ويش والله هالحاجات تغير نفسيتي وما اكذب عليكم اني على طول امل من شكلي ما ابالغ وررربي خاصة اني انا في غربة وبلدة الماركات وما يبغاني اهتم واني اشووف الناس اللي برى واخر سالفة البارح بالليل عندنا بارتي للعرب للبنات بس وبنسويها في صالة في فندق وما يبغاني اشتري الي فستان وصندل وانتو بكرامة يقول ذا تبذير وذا مدري ويشووو
والله مو تبذير بارتي وفي السنة تصير مرة وحدة بهالمكان وقلت :ما برووووووح وما رضى الا تروحي طيب تعطيني ارووح: لا <<<<قسما بالله بقتله شنووووووووو يعني
احس هالمواضيع بردت العلاقة به بالحييييييييييييييييل
والله حبوب بس اسلوبه يدمر الوحدة ما يعرف يحاشي بنت واني ما احب احد يرفع صوته علي اقلب الدنيا واقوم ماااااااااااني يا بنات يا شباب والله احس روحي كبيرة وااايد وعجزت ما كأني العرووسة ام كميل الا صار ليها سنة والله مدلله ودلوعة البيت في بيت العز بيت بابا اذا كلمته و قالي في التلفون تبغين شي تخنقني العبرة ودي اقوله محتاجة لك والى العيشة معاك بعزززز ما انكر جميل زوجي بس ما احب اطلب منه كل شوي واتحاسب على كل شي اسووويه
اخر شي
انا قلت لكم اني في الهاي سكول واشوف الاولاد اللي معاي في السكول واللي بسني وشلون يكلموني برقة مع البنات وتعاطفهم وانبساطي معاهم لان معظم كلاساتي وخاصة ذا السمستر اكثر شي البروجكتات والتجمعات علشان الهوموركات تكون معاهم الشي اللي مو حلووو انا زوجي خناق اروح الدوام وانا لايعة شبدي منه وافرغ كل انبساطي في الهاي السكول لا يروح بالكم بعيد بحدود وانا في حال اضطرار في التعامل لكن اللي مو اضطرار اني اكبر العلاقة واخليها صداقة قووية معاهم اهمال زوجي لي بالتعامل وعدم اهتمامه بامور تخصني واحتقارها لي تولد مشاكل المشاكل تهربني من البيت وانا زعلانة ومالي الا الهاي السكول اللي تبسطني ودوامي تقريبا كل اليوم والباقي دراسة بالمكتبة ولا البيت
احس روووحي مضغوطة وبنفجر دراسة واختبارات وتعب وتوجيب العرب الللي معانا وادارة بيتي وزوجي من هدوء ونظافة وطبخ وفي وقت اخذ فيه ريلاكس لنفسي شاور و الانترنت كلهم في صوووب وزوجي ومشاكلي معاه في صووووووب كل اقول ارفع السماعة لماما اشكي ليها ولا لا بعدين بخليها تحاتيني واذا صرت زينة كل بيصير في بالها اني مو زينة وهي امي وانا اعرفها كل تحاتي وليومكم وهي تدق وتخاف اني اكون مضايقة او ناقصني شي ومو متلبي وانا ما عندي الا اكذب واقول اني زينة حتى لو الدمعة بعيوني
سووووري اي نو طولت عليكم بس انبسطت لاني قلت ليكم وريحوووني
كل نقطة ابيكم تعلقوني علي وكلامكم سوف اخذه بصدر رحب ان شاء الله =)







كنتُ هــنا
أم كميل