انا ام لسته اطفال منهم خمسه بنات وولد واحد ابنتي الكبرى عمرها 13 والصغرى12 والولد 10 والثلاث بنات تحت العشر سنوات عمرهم مشكلتي انه بنتي مراهقه تسوي نفسها كبيره شكلها كبير وكلاممها كبير لكن فكرها صغير بدت تكلم شباب اكثر من مره صدتها وبلغت ابوها لكن تعامل بكل عناد اخفينا الهاتف تلجأ الى اعمامها اللي هم جيرانا بنفس الوقت تسوي نفسها مسكينه وتبدى تمسك الهاتف وتقول انها تضحك على الشباب وكلما ضيقنا عليها الخناق تقول ااننا معقدين انها تبي الحياه فري كما تقول نصحتها اكثر من مره لكن تصر على مواقفها انا وابوها ناس متفهمين مو مخلين شىء عنها قاصر تلفون ولابتوب ومضبطين غرفتها وفلوس ولبس كل شىء متوافر لها لكن لاادري لمااذا الاصرار على العناد وعم تقبل راي الوالدين بكل الحالات وشبه يوميا هواش وعناد وتفخر بنفسها بانعت الصفات السيئه انا كذا وكذا عادي مالمشكله انصحها لاتسوين كذا تقول انا ابي اصير كذا شفيها؟؟ كرهتني بالحياه والابناء ابوها كان يستخدم معها الهدوء والاحترام الحين اصبح يضرربها ويناجرها وكلما نغيب لحظه الا تلفون مشغول حتى الكل يشكي مابه تلفونكم دائما مشغول اصبحنا ننحرج من الكل تصرفاتها تبي توحي انها سيئه الخلق ليش ليش؟ تقول كيفي بالمدرسه لاتروح لها الا بهواش وعناد وتصحى اخر وحده وكلما هاوشتها اكثر تقول بطلع مع واحد ترى لاتخلوني اطلع صرت اخاف اقولها شىء خايفه تسوي تهديدها والله تعبت تعبت ساعدوني .