حبيباتى



وحشتونى قوى قوى قوى



بجد انا زعلانة انى مش عارفة ادخل اتطمن عليكم
بس ربنا عالم بظروفى


الهانم مش بتام و مظبتانى

ربنا يهديها

مينفعش تكون صاحية الا و بتعيط ذى ما تكون عاوزة تقول نحن هنا ربنا يهديها و يوقنى على قلة النوم


المهم انا مش عارفة اقراى كل اللى فات بس قريت شوية منه


فلفولة حبيتى متقلقيش من موضوع التلقيح دا
دى عملية عبيطة و هبلة كمان و ربنا يكرمك فيها بأذن الله



كريستالا الف بعد الشر عن مامتك و ربنا يقومهالك بالسلامة
انا شايفة شريط الحمل بسم الله ما شاء الله فى الشهر التامن
ربنا يعينك من هنا و طالع بقى
تقوملنا بالف سلامة انتى و البيبى بأذن الله


غلا حبيبتى الف سلامة على ابنك بس متقلقيش ابن واحدة صاحبتى حصله كدة بس على اكتر شوية و اتعمله عملية و ركبوله مسامير و الحمد لله هو دلوقتى ذى الفل
ربنا يطمنك على ابنك يا رب


دودى حبيبتى
انا مبسوطة انك عيطى
اصل لازم مشاعرك الحقيقية تخرج حرام تكبتى فى نفسك قال عشان انك جامدة
لأ ضعيفة و نفسك تحملى و تكونى ام ايه المشكلة مافيهاش حاجة تقلل منك
و ان شاء الله ربنا حيفرح قلبك باحلى بيبى فى الدنيا بأذن الله


هالة الف سلامة عليكى
و خلى بالك من نفسك و من البيبى على اد ما تقدرى
انا عارفة الحمل مع وجود طفل تانى بيكون تلطيش على الخدين بس ربنا يقويكى يا رب



ملوكة ان شاء الله البيت الجديد يكون قدم خير عليكى يا رب



مش عارفة اكتب لمين كمان بس معلش اعزرونى مش عارفة اكتب باقى الاسماء اللى قريت ردود ليها

ربنا يفرح قلبى بكل واحدة فيكم يا رب





بجد بحبكم فى الله و مش عاوزاكم تزعلو منى على غيابى بس اقسم بالله غصب عنى و كل ما افكر انى مش عارفة ادخل اتطمن عليكم بزعل جدا
ربنا هون الفترة اللى جاية بأذن الله




رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة