كلمة ابوي مثل السكين الي انغرست في قلبي
هالسنة ان شاء الله تكون فاتحه خير على الجميع
يارب ياكريم ان تفرج عن كل مهموم ومهومة
بقول لكم الي صار موقف حطمني من الداخل كم مرة اتذكر كلام ابوي احس بحزن شديد مايعلم فيه الا الله
حزن عميييييييييييييييييييق
كنت جالسة مع ابوي فقال لي لازم نجدد بطاقة الاحوال قلت له من زمان ماجددناها
قال بمزح لو نجددها بيقولون هاالعايله ماتغير فيها شي لانضاف فيها افراد جديدة وبناتها مثل ماهم ماتغير شي شكل ماحد يبيهم هالكلمة كانت مثل السكين الحادة الي قطعت في قلبي
ضليت اليوم كله اسئل نفسي ليش ماتزوجت؟ صديقاتي المقربات جدا تزوجوا وعندهم عيال وانا مثل ماانا
لازواج ولاوظيفه ولاشي
من المسؤل عن تأخر زواجي
انا لاني ماطلع من البيت وماحد يشوفني ولايعرفني
او شكلي لان عادية والحمد لله على خلقه الله مافيني الجمال الكبير شكلي متوسط
او السبب عداوة بعض حريم اهلي مع امي وصاروا يتفننون في تشويه سمعتنا
او لاني على قولتهم وحده قديمة وابالغ في التستر ومااحب اللبس الخالع في الاعراس وفي المناسبات
او ذنوب كبيره سويتها وانا ماادري عنها والله عاقبني ايش هالذنوب الي منعت زواجي
بالصدفه سمعت ابوي يتكلم مع امي يقول لها
انا الوحيد من بين اهلي الي ماعرست لي بنت ولا ولد
من تنخطب وحده من العايله احط يدي على قلبي خايفه ابوي يحزن وامي يسمعونها الحريم كلام يأذيها
عمري 27 سنة بالهجري - 26 بالميلادي اذا ماتزوجت في هالوقت متى بتزوج؟
وكل سنة تجي تقل فيها فرص الزواج بالنسبة كبيييييييييييييرة
قلبي متقطع على امي الي كل مناسبة تروح لها يغثونها الحريم ويتشمتون بتأخر زواجي
14-12-2010, 02:20 PM
ضوابط المشاركة
العرض الشجري