السلام عليكم ورحمة الله وبركاته

بدخل بالمشكلة على طول /

انا لي فترة ضايعه مني اوراق مهمة جدا المهم امس دورت في كل حته في البيت ومالقيتها هجت على كل الي في البيت
لكن من بعد ماسألت الكل وقال ماعندنا خبر وانا انجنيت قلت : معقول مااحد شافها !بس شافها!!!
قالوا: لاوالله ماشفناها وانا عارفة مستحيل اطلع هالأوراق برا البيت فإلي ساعدني على الجنان اني متأكدة انه بالبيت وانا مو محصلته فخفت انو الخدامة رمته بالغلط
وسألتها وقالت لاوالله انا مايشوووف

المهم شفت امي مااهتمت زي العادة لما يضيع علي شي تروح تدوره معاي لدرجة كأنو هي الي ضايع لها شي مو انا

لكن امس ولا مهتمه ولا شي دورت شوي وراحت تشتغل بالمطبخ
وانا افور واغلي وقمت ادعي على الكل بدعاوي قوية
واضرب الدولاليب ببعض بإختصار كنت في حالة هيجان وصرت كل مااشوف اي وحده قدامي اجلس ادعي عليها الله يلعنك الله يصيبك ومن هالكلام >_<
كنت احس اني لما أقولها ارتاح شوي لأني كل ماأفتكر انها ضاعت مني احس نفسي مخنوقة وشوي ببكي >_<

المشكلة كنت امس صايمة صيام عاشوراء اليومين وكان امس اليوم الأخير من الصيام وخربته بغضبي ودعاوي ورفع صوتي على امي

سؤالي إلي أبغى أجابة عليه

كيف أكفر الي سويته كييييييييييييييف ابغى ربي يسامحني
ويمسح كل الي صار امس انا ظلمت كل إلي بالبيت شكيت بكل وحده
ودعيت عليهم دعاوي قوووووووية جدا ايش اسوووووي !؟

انا اليوم فتحت دولاب المكتبة وحصلت الأوراق جواته
جتني حالة فرح اني حصلته + غضب اني مادورت زين قبل مااعصب وأهوج على أهلي+ حزن على إلي شكيت فيهم امس ودعيت عليهم + خجل من ربي ومن نفسي ومن أهلي
<كيف اقولهم اني حصلته ؟؟

ساعدوني يمكن المشكلة بالنسبة لكم عادية لكن بالنسبة لي متعبة !

انا انسانه هادئة وعاقلة ورزينة وكل من يجالسني من اهلنا ولاصديقاتي ولا إي انسانة احادثها الكل يجمع بأني هادئة وطيبة القلب وعلى نياتي
لكن انا عند اهلي اكون غير اعصب وازعل وماارضى احد ياخذ حقي لكن مع الناس الأغراب واهلنا أكون مسالمة جدا ومضحية وحتى مع اهلي اكون مسالمة ومالي طلبات زي خواتي واضحي على حساب نفسي
لكن وقت الغضب اطلع الأول والتالي واطالب لمجرد العناد انو انا كنت مااطلب وها شوفوني الحين بأطلب