الله يكون بعونك أختي دلوعه وأنا أمس قرأت ردك في موضوعك الثاني على الأخ أبوحكيم وقرأت ماكتبتيه عن صديقه بصراحه الله يعينك من جد كيف متحمله وصابره على كل هاذا الشئ أنا والله إني حاسه بالمراره إللي في قلبك وكل إللي جالس يصير بسبت صديقه الله لايوفقه هاذا مو بصديق هاذا عدو شيطان من شياطين الإنس أنت يا أختي لازم تاخذي موقف من زوجك بهاذي السفره شوفي إذا نفع الطيب بالطيب أحسن إذا مانفع خلك زوجه قويه ولاتتساهلين معاه ترى تساهلك سبب ضياع كلمتك وذاتك وإنعدام شخصيتك عند زوجك وهاذا إللي ماخلاه يفكر بكلامك ومايهتم فيك أنت أرخصت نفسك له بزياده بقول لك أعطيه صرافتك وكل شئ بحياتك إذا كان يحترم
ذاتك ويقدر مشاعرك كزوجه أنت كزوجه تعتبرين داعم مهم له في حياته كيف بياخذ راتبك ومايهتم فيك ولايحترم رأيك ولايقدر مشاعرك والحين هو وصاحبه مسافرين بفلوسك وأنتي وش كسبتي غير الهم والعناء أنت مشكلتك متشعبه جدا أنت لازم تبني شخصيتك من أول وجديد الزوج إذا ما أحترم زوجته وعرف قدرها عنده يذلها وأنت أحسن من غيرك لاتقولي أخاف المجهول ما أقدر أسوي شئ إلا تقدرين أنت إمرأة متوظفه وعندك دخل مايخليك بحاجة أحد أفرظي نفسك عليه فرض وأبرزي شخصيتك له وقولي له شف يبو فلان أنت سافرت وسويت إللي براسك والحين أنا بسوي إللي براسي أول شئ جيب بطاقة صرافتي ثاني شئ إذا كنت تبغى حياتنا تسير بأمان وإستقرار أبغاك تبعد عن صديقك هاذا أنا صبرت وصبرت وصبري نفذ وما يشرفني زوجي يرافق أشخاص
مثل صاحبك هاذا اللي كل حياته فساد في فساد وقدامك حل من الإثنين وأختاره يا أنا وعيالي وبيتك وحياتنا أوصديقك وفساده ومعاصيه وأنا ماعندي إستعداد أحمل نفسي فوق طاقتها فكر في كلامي زين ورد عليه أنت لازم يكون لك موقف حازم ولو بالتهديد خليه يحس باللي جالس يسويه ونصيحه لك لوأخذتي صرافتك منه لاترجعينها له مهما صار يزعل يمرض يسوي في نفسه إللي يبي لاتاخذك الطيبه وتعطينه خليه يحس بوجودك وأهميتك في حياته إذا شفتيه بيرميك أنت وعيالك علشان صديقه الخايس أعرفي إنه مأثر على عقل زوجك بشكل كبيروأعرفي إن كل إللي يصير بينكم من مشاكل من ورى رأس صديقه لأنه أكيد وشئ طبيعي بيكون مستشاره الخاص بكل صغيره وكبيره هاذا فوق إستغلال زوجك مادياشكله يصرف عليه في سفراته بحكم صداقتهم
وقربهم من بعض إذا شفتيه لن ينقاد لإرادتك أتركيه وعامليه بشكل رسمي وجاف جدا لأن إللي مثل زوجك مهما كنتي معاه طيبه ماراح يبين معاه أبد أنت لازم تحاولين إصلاح زوجك وإصلاحه ماراح يكون إلابإبعاده عن مثل هاذا الصديق الذي أمثله بالسوس ينخر الخشب داخليا ويبقى الشكل الخارجي فقط ومن الداخل هش لايستطيع أن يقاوم عند إستخدامه في أي شئ أختي كنت بقول لك إصبري بس ماعاد يفيد الصبربيتك بينخرب وحياتك ستدمر بسبب هاذا الرفيق الذي يعتبرك أنت وأولادك منافسه شديده له على صديقه ويعتبر إنكم أخذتوه منه وهو يعتبر إن زوجك الونيس له في سفراته أنت الآن محطمه وإذا قدر الله وصار لك أي موقف آخر من زوجك سيشتد ألمك وحزنك بزياده والافضل لك المواجهه فزوجك لايستحق ماتفعلينه في نفسك الهروب ليس حلا لك عندك إخوان إذهبي إليهم وإشرحي وضعك إذاناقشتيه و ماشفتي من زوجك تجاوب روحي إلى أهلك لك سند وعون ما أتوقع يوجد أخ يرضى الظلم على أخته
خليه يجلس للحق بين رجال وخذ بطاقتك منه وشوفي بيزعل أول شئ بس والله ماغير يرجع عبد تحت أقدامك
‏وتتحكمين فيه كيف ما تبغينه مادام إن له عندك حاجه أنت خلك قويه وأتركي عنك التنازلات والمجاملات نهائيا أنا بصراحه يادلوعه كنت شفقانه على زوجك كثير قلت مسكين تربي بدون أم أو أب محروم من حنانهم أكيد بتصدر عنه قساوه في بعض التصرفات وماألومه من الشتات إللي لاقاه في حياته والعنف إللي تعرضت له أمه قدامه مازال محفور في ذاكرته كنت تاخذني الشفقه بحاله وهو صغير بس إللي يشوف طريقة تعامله معاك وطريقة تفضيل صديقه عليكم بهاذي الطريقه أنا بصراحه لو صديق زوجي سوى نفس الحركه يوم دقيتي الباب وطلع صديقه إذا ماجاء زوجي وطرده من بيته وقطع علاقته به نهائيا ما أصير زوجة له مدى العمر كيف يطلع بوجهك وهو عارف إن زوجك برى البيت
أصلن من سمح له يقوم لماسمع دقة الباب بصراحه هاذا قاصد الحركه يعني هاذا إنسان مريض مرض في قلبه وأنتي ما أخذتي موقف حازم ساعتها لأنك لو قلتي له صديقك هاذا قليل الأدب لوعاد يدخل بيتي مو بصالحه أبدولا بصالحك أنت وين غيرتك عليه وحرارة قلبك إللي حتى الدكتور لورحت تعبانه ماتخليني أشكي مرضي عنده أشوفها ماتت عند صديقك هاذا ليش أنت تمشي وتصادق مع هالأشكال الخايسه بس للأسف إللي راح مانقدر نرده الحين الله يعينك أختي وإن شاء الله لي عوده .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله