عندما تمنعت عن خطيبي صار يطنشني
السلام عليكم ورحمه الله وبركاته .. يابنات انا محتاجه ارائكم ومساعدتكم لي ...بليز تساعدوني..
انا بنت متملكه وخطيبي يزورني بالبيت طبعا معروف اول زياره لاني بجلس معاه لوحدي ارتبكت وحست الدنيا ... لما بيطلع قالي عطيني بوسه طبعا بعد محاولات عطيته واحس اني مشبوكه على كهرب 220 ...
كلمني بالجوال قالي أريد الزياره الثانيه غير. لما اقولك تجين تجلسين جنبي تجين وتعطيني قبلات ومن هالكلام وقالي أريد منك أكثر نروح الغرفه اللي جنبنا وعادي انتي زوجتي وما راح يصير شي .. بس انا لازم ارتاح لاني اتعب اذا ما ارتحت .. ويتقفل مزاجي.. وقالي عادي واحد من زملائي خطيبته ما كانت تخجل .. ولما قلت له بالجوال خلاص بيصير الشي هذا قالي ايوه هاذي البنت الفاهمه والرومنسيه .. طبعا انا انبسطت لاني حسيته مبسوط..وقالي الزياره الثانيه ابيك تقفلين الباب ونروح الغرفه وكلها خمس دقايق ما بنطول وبتبقين بنت .. طبعا انا واثقه فيه من كلامه ...وبنفس الوقت كان عندي العذر الشرعي .. وانا على كلام المتزوجات عطي خطيبك كل شي علشان ما يروح للحرام.. والمشكله اني استحيت اسال احد وبعدين جديده على الوضع وما ادري وش الطبخه اللي اعرف ان الوحده تسمع كلام زوجها وتحاول تبسطه... جات الزياره وقالي قفلي الباب وقفلت الباب واحنا لسى بالصاله وقبلني ، وانا معه قلت له نروح للغرفه ((كلمتي قويه مره )) وندمانه عليها بس قلت كذا علشانه علشان ابسطه لانه يقولي اذا ما ريحت اكون متضايق.. لكذا ابيه يرتاح.. وبنفس الوقت عارفه انه ما راح يطلب أكثر لاني عندي العذر الشرعي ... سالني قالي تصلين قلت لا ... سكت وجلسنا بالصاله ما رحنا للغرفه..يعني بس على ضمات وحضن ..
بنات انا ندمانه مره وانقهرت اني سمعت كلامه ... تمنيت ما صار الشي هذا وبنفس الوقت مقهوره على كلمتي .. وقلت توبه ما عاد اسمع كلامه وما اسوي اي شي الا لما اكون انا مقتنعه فيه .. وكانت الزيارات اللي بعدها بس قبلات خفيفه ...
بنات انا محتاجه مساعدتكم لاني ماقدر افضفض لاحد اسراري .. هالحين احس منه اسلوب التطنيش وعدم الاهتمام فيني ... يعني يمر كذا يوم ما يكلمني .. وما يسأل علي انا محتاجه شي او لا ... وعجزت افسر اسلوبه .. اللي اعرف ان الواحد يشتاق لخطيبته ويكلمها صباح وليل .. ويسالها اذا محتاجه شي او لا ... انا ما شفت الشي هذا منه .. انا احس تعامله معاي علشان اني عطيته الشي هذا ومن ثاني زياره ((الله يسامح المتزوجات ونصايحهم)) لكذا خلاص خذا الشي اللي يبيه ومعاد يهتم فيني ... بنات تكفون ساعدوني وش اسوي انا محتاره مره مره من اسلوبه معاي..
التعديل الأخير تم بواسطة ماريا ; 27-12-2010 الساعة 01:40 AM
السبب: العنوان + بعض المصطلحات
26-12-2010, 10:13 AM
ضوابط المشاركة
العرض الشجري