المشاركة الأصلية كتبت بواسطة مهره

توني كنت اتابع الردود في موضوع نورين .. وشفت رد لمني بشوق .. وعيني يت فجأة على توقيعها .. مع اني والله العظيم ما انتبه للتوقيعات بالعادة .. والله حسيت قلبي نقز (فز للي ما بيفهم كلمة نقز ) .. وقلت باركض احط موضوع مباركة .. (شمعنى هم يحطون وانا لا ) .. ولما طلعت لقيت موضوعج يا أحب زووجي .. ما شاء الله عليج سباقة لفعل الخير والله يعطيج على قد نيتج يا رب.

نفس النقزه اللي نقزها قلبي ربي يتمم لها على خير أن شاء الله
ومافيه فرق بيننا حبيبتي أعتبري أنه أنتي أللي كتبتي الموضوع ويكفي الفزه اللي فزها قلبك
ربي يسلم قلبك ياعسل
وعقبالك ياقمر عندي نفس أحساس نورا لك ولروح الطير ماأعرف ليش
ربي يعطيكم اللي تتمنوه بالوقت اللي تتمنوه كمان
الله يجزاك كل خير حبيبتي

لمني بشوووووق فدييييتج .. والله فرحت من خااااطري .. حسيت كأني انا اللي حملت

أتذكر يوم تقولين انج تعبتي وايد في حملج بالتوأم .. وخفت عليج وغمضتيني بصراحة (هذي عاد ما اعرف اشرحها ) .. بس بعدني فرحانة بالخبر ويا رب يا رب يتمم حملج على خير ويقومج بالسلامة انتي والنونو .. والا تبين توأم ها لمرة بعد؟

المهم طبعا ما تحتاجين وصية .. تابعي مع الدكتورة بانتظام وسمعي كلامها بالحرف الواحد .. وديري بالج على نفسج.





آآآآه يا نورة .. تذكرين موضوعي (عدوى الحمل)؟

أمس خبر ولادة نورين .. واليوم خبر حمل لمني بشوق .. وانتي طايحة في الشوكولاتة

اشتهيت الحمل يا نورة.

(الله يقطع ابليس .. حسيت اني باصيح!)


المهم .. الله يقومج بالسلامة انتي بعد يا نورة .. وهالله هالله في عمرج.