مشكلة من مشاكلي زوجي لا يمدحني
السلام عليكم ورحمة الله وبركاته
اولا احب ان اشكر القائمين على هذا الموقع الرائع والأعضاء الرائعين الذين لمست فيهم الوعي والنضوج في الردود
وثانيا انا بنت وسجلت هكذا واردت تغيير الاسم ولكن لم اعرف
اريد ان اطرح مشكلتي وباختصار علني اجد من يرشدني وينصحني مشكلتي قد يراها البعض سخيفة ولكنها بالنسبة لي امر مهم جدا
انا متزوجة واحب زوجي كثيرا وهو يحبني اكثر ولكن انا عاطفية وحساسة وهو ايضا عاطفي ولا يخفي مشاعره صريح جدا ويحب الصراحة وبنفس الوقت عقلاني ويوقلي ان اي مشكلة بتصير بينا لازم نتناقش ونحلها مو نخليها بقلبنا والنا 6 سنين متزوجين وفترة عقد قران سنة و7 شهور
المهم المشكلة هي بفترة عقد القران طبعا دائما عند زياراتو الي بكون لابسة ومتعطرة وانا متعودة اي حدا من معارفي بشوفني بيمدحني وبيمدح شكلي ولبسي وانالا اقول اني على قدر كبير من الجمال ولكن جميلة وزوجي بيحكلي انه بيحب مرته تكون مهتمة بحالها وبقلي لنتي مو مقصرة بس لما بشوفني هيك مابيمدح ابدا لا بشكلي ولا بلبسي ولا بعطري مع انه بعرف انه بيكون مبسوط بس مابيحكي واللي بيجلط اكتر انه صريح جدا واي شي فيني يعني اي تقصير او اي عيب بيحكيلي اياه فورا عشان اداركه وغيره طبعا طول فترة الملكة يمكن مامدحني غير مرة او مرتين قصدي لحظة لما يشوفني مامدح غير مرة او مرتين اما باقي المرات انا بحكيلو مثلا يعني بتحركشو بقلو حلو لبسي بقلي اكيد هو القالب غالب
اوحلوالعطر بيقللي اي طيب ماتحكي لحالك دامك انك صريح ومابتخبي شي ولا بس الانتقاد بيطلع منك والمدح مابيطلع لازم يكون بس بالقلب
وبعد زواج 6 سنين ولسا هو هو ولاتقولولي صارحي لأن هون الامشكلة حكيتله مليون مرة وكل مرة نفس الجواب والي هو بيجلط يقولي>> انتي لما تتزيني هاد هو الصح يلي لازم تعملي وتكوني عليه دائما يعني هاد واجبك ومولازم احكي ووقت بتقصري بحكيلك حتى تتنتبهي على حالك<< بالله عليكم هاد جواب وفي وحدة متلي وكان جواب زوجها متل زوجي وشو كانت ردة فعلها
طبعا انا جاوبته >>بعرف انو واجبي بس متل مايتحكيلي السلبيات عشان صححها بالمقابل امدح الايجابيات عشان اتشجعع واعطيك اكتر<<
طبعا هو سكت وكانه ماقتنع
شوروا علي شو اعمل يعني في امل يمدح في اولا
وانا مرات لما بستقبله وانا متزينة ومابيحكي شي كانه مو شايف حدا بدايق كتير وببين على وجهي وبقد كام يوم ولا بتزين وبالاخر بيجي بقلي اني عم اهمل حالي
قولولي شو اعمل
التعديل الأخير تم بواسطة أم داليا ; 05-01-2011 الساعة 01:33 AM
السبب: توضيح العنوان
04-01-2011, 04:35 PM
ضوابط المشاركة
العرض الشجري