09-01-2011, 06:58 PM
|
المشاركة الأصلية كتبت بواسطة شيخة البنـــات
والله ياحبيبتي تعاطفت معاج وااااايد صج الله يعينج و يفرج همج شوفي قلبوو يعطيك العافيه حياتي ... أول شي حبووبة المفروض من لما شفتيه جذي من أول ليلة لاعنده احترام ولا عنده أسلووب دايركت تخبرين أهلج بإصرار انتي ذكرتي انج خبرتيهم بس هم قالوا لج نطري اووكي نطرتي اسبوع اسبوعين وهو على أسوأ خلاص تكلمينهم يشووفون لج حل [كلمتهم كثيييييييييييييييييييييير لكن دايمن امي تقول اصبري هذا جاهل .. اما ابوي غاصبني عليه وبالقوة والسبب خايف اكون مطلقة واعنس زي بنات جيراننا للأسف هذا رأي ابوي...ودايمن يقول انتي ماتتحملي اصبري عليه راح يتغير..  حتى اني طلبته يساعدني اركب لولب ورفض...واخوي صغير وقتها ماتعلم السواقة والا كان ركبته بالسر.. آخر مرة جيته غصبني على زوجي وانا ابكي وزوجي شاف بنفسه ابوي وهو يغصبني ورجعت مع زوجي..ومن وقتها عرف ان ابوي معه مو معي..وانا بعدها مستحيل الجأ له..معتمده على نفسي ولله الحمد  الشي الثاني موضوع الحمل يعني هو بكبره مب زين معاج ألفاظ مب عدلة أسلوب مشين بس ألحين هالشي صار و رزق ياج من رب العالمين الحمدلله ع كل حال بس الحين حاسبي وايد لا تحملين مرة ثانية وتزيد فصول المأساة الحمل صار غصب عني...يمكن لله فيه حكمة طبعا ماراح احمل ألحين انتي تبين طلاق وهو معند انتي ما قصرتي معاه بشي كل شي عاطيته بالمقابل هو شنو عطاج ؟ ولا شي فما أعتقد إنه يستحق أبدا تظلين تضحين ع الفاضي يضيع عمرج وتتعب نفسيتج أكثر مما هي تعبانة معك حق اتفق معك حبيبتي لازم يعرف إن وراج أهل و عزوة وأصلا عيب عيب عيييييييب يقولج كل هالألفاظ البذيئة اللي تنم >> مع احترامي لج طبعا تنم عن شخص مب محترم ولا عنده اسلوب يعني انتي مهما يكوون زوجته وأم ولده هذا إذا أساسا هو مكترث بهالأمر مب معقول تولدين و هو أبد ولا مفتكر يالغالية جربي أول شي معاه جلسة صريحة يعني ما أعتقد بتجيب نتيجة معاه بس نجرب لا ضير في المحاولة خلي الولد عند اختج أو أمج إذا ما قبل يطلع وياج في البيت مب مشكلة اخذيه من يده وقعديه يمج وبلشي انتي بالحجي رتبي حجي وايد ف بالج وقولي له صارحيه إن اسلوبه لازم يتعدل معاملته لازم تتعدل انتي ما سويتي له شي بيني له إن إذا هو ما يبيج خلاص ينفصل عنج أما الحياة هذي مهي حياة بس طبعا كوني حازمة و جادة ولا تجيبين له طاري الزواج أو أي شي من هالقبيل خلج على معاملته لج وعلى اسلوبه وعدم اهتمامه شوفي شيصير وشنو يقول صارحته كثير...مو مرة او مرتين او ثلاث او عشرة كثيييييييير.. يقول خلاص بتعدل يظل اسبوع هادئ ثم تعود حليمة لعادتها القديمة شغلة أخرى جربتي هالشي وما نفع أو انتي حاسة إن ماراح ينفع معاه جربي إنج تخبرين شخص هو ريلج وايد يثق فيه ويحترم رأيه ويا حبذا لو يكون قريب منكم وايد إذا كلش كلش خفتي شوفي أبوج كأقرب شي قعدي مع ابوج وضحي له الموضوع بس باختصار خلي أبوج يتفاهم معاه لأن كلما سكتي بتزيد حدة المشكلة كلمت ابوه هو وكلمة لكن مااااافي فايدة شي ثالث همن بعد تحسين إن مافي فايدة من هالحل جربي معاه اسلوب الحقران يعني سوي له كل يبيه طبخ , تنظيف , امور البيت بس بسكووت لا تحاجينه حسسيه إنه غلطان حسسيه بقيمة نفسج وإن لابد ويحترمج ربما ينفع معاه ويحس على دمه فعلاً سويت معه هالأسلوب بس ما اطول... يظل وراي يراضيني ويتأسف ويقول خلينا نرجع احباب.. ومرة سألته لو اطول كذا شراح تسوي قال ماراح اتحمل يمكن اطلقك .... انا ناويه احقره واقتله بالصمت...وراح اطول...مو علشان يتعدل او علشان تراجعت عن موضوع الأنفصال لآلآلآلآلآلآلآلآلآ... علشان كرامتي ولأني مهما سويت مستحيل يبين في عينه... ويمكن يطفش ويتعب وانا ابيه يتعب ويطلق واذا جاد يتعدل...<<مع اني عارفه من الآن ماراح يتعدل شي رابع مافي فايدة معاه ولا في هالحل بعد انتي استشيري وحدة من قريباتج تثقين فيها تحبينها تسمعين لها وخبريها تشور عليج و سوي اللي انتي في النهاية يقنعج سبق وان استشرت خالتي كبيرة وعاقله وفاهمة قالت سوي اللي يريحك أما موضووع يقدر ابوج يدبر المهر بس انتي ما تبين تعطينه إياه علشان ما يتزوج ويريحها وانتي معذبج شوفي ياقلبي انتي ما تضمنين إنه لما يتزوج راح يريح الإنسانة اللي بياخذها أو ربما هي نفسها ما ترتاح منه ولا معاه صدقيني الدنيا دوارة ربج ما بيضيع حقج أبد وآنا أقول خله يتزوج بس الأهم تفتكين منه وترتاحين و مرده حبووبة بيحس بقيمتج وبيحاول يردج ومثل ما قالوا الأوليين : " ما تعرف قديري , إلا لما تجرب غيري" حتى ولو المهر ما ابي يرجع له بس يمكن لو عاند راح اعطيهياه اهم شي افتك منه... ختاما حبوبتي فكري زين قبل اتخاذ أي خطوة وأي قرار قدر الإمكان استخيري واستشيري ولا تعيشين روحج بعذاب وألم نفسي و حطي ف بالج إنج مخيرة بين كذا أمر أحلاهم مر إما أنج تتحلمين هالوضع أو إنج تتحملين إنه يتزوج وتظلين معاه أو إنج تتطلقين وتاخذين الولد وهو يتزوج فلذلك فكري عدل واحسبيها صح ولا خاب من استخار ولا ندم من استشاار لكن رغم كل هذا دعواتي لزوجج بالهداية والصلاح يمكن ربي من عالي سماه يهديه ويحنن قلبه عليج وعلى ولدج راجية من ربي إن يفرج همج ويزيل كربج ويعطيج على قد نيتج يالغاااااااالية ودي[/COLOR] |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري