أخي أبو مريم أسأل الله أن يؤجرك في مافقدت ويخلف لك خيرا منها وأسأل الله أن يرد إليك سيارتك ردا جميلا وتأكد أخي إن مال الحلال أبد مايضيع
أنا كان عند ولدي سلطان سمي له وكان يدرس سمي ولدي ونجح من دراسته بإمتياز وتفوق وحبينا أنا وزوجي نهديه هدية بمناسبة النجاح فكرنا وش نهديه وأحترنا ورجعنا قررنا ناخذ له ساعة ثمينة وفعلا أخذناله ساعه باهظة الثمن ونقشنا عليها من الداخل ألف مبروك على النجاح وكتبنا إسمه وعام تخرجه طبعا أعطيناه إياهامع مبلغ من المال وفي مرة راح يتمشى مع أهله البروكان لابس الساعه في إيده وطاحت من إيده ودور عليهاومالاقها وروحوا أهله بيتهم وأنا مادريت إنها ضاعت عليه إلا كنا مجتمعين جلسة حريم عند أمه سوالف وكان في حرمة من جماعتهم كانت طالعه معاهم لرحلة البر يوم ضاعت ساعة الولد وقالت لي الحرمة عرفتي إن ساعة سميكم إللي أهديتوها له ضاعت وقالت بسخرية وإستهزاء شكلها من مال حرام ضاعت والله إني إنحرجت قدام الحريم إللي بالجلسه معانا إحراج مره وأستحيت بس رديت عليها وقلت إذا كان ربنا عالم في علم الغيب عنده إنها من مال حلال
وطيب فربنا قادر يردها له ولو بعد حين وسبحان الله إنتهت الإجازه الكبيره للطلاب وأبتدى عام جديد في الدراسه وحتى أمر الساعة نسيناه والولد راح المدرسه ولقى الساعة مع واحد من زملائه لابسها في إيده قال له هاذي ساعتي شوف إسمي منقوش عليها من الداخل وين حصلتها قال له زميله لقيتها بالبر وحنا طالعين رحله طبعا زميله رجعها له وفعلا مال الحلال مايضيع هاذي ساعة حجمها لايوازي حجم سيارتك وحصلها الولد باقي أنت أسأل الله أن يمن عليك برجوعها وعندي لك نصيحة لك أنت وإخواننا وأخواتنا من منكم يمتلك سيارة عندما يقضي عليها آخر مشوار له في يومه أفضل شئ وأحسن شئ إنه يستودع سيارته الله سبحانه وتعالى وبإذن الله ماراح يجيها شئ وهي في حماية الله عزوجل أسأل الله إن ماترجع تدخل هنا إلإ وتبشرنا برجعة سيارتك سالمة غانمة .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله