أعاني من الوسواس والشك في زوجي
]السلام عليكم
تحية طيبة لحبيبات عمري الي احبهم من كل قلبي
تحية كلها عطر وورد وفل وياسمين
تحية من اعمق نقطة صفاء بقلبي الي قلوبكم
تحية لاخواني اعضاء المنتدى
العنوان يخوف..(اتعذب) قليلة بحقي
كل ماشعرت بالسعادة ولا الراحة يتسلط علي الشك
اليوم زوجي سافر يودي اهله وودعته وحنا على خير
الا وقبل شوي قام الشك عندي يمكن ماسافر
يمكن راح هنا مناك
قمت دقيت عليه قلت وينك؟
قال :انا بالديرة..
قلت:معك منو
قال: ارحامي
قلت:ممكن ادق عليك اسمع صوتهم
دقيت وفعلا سمعت الصوت
وش هالمصيبة الي انا عايشة فيها
اذا فتحت مسنجر وشفت مثلا اختي ان لاين
وزوجي كلمني وقتها والشيطان يضبط الوقت وكل شى
اقول يمكن كلمني عشان كان يكلم اختي
اي شى وكل شى اشك فيه
عمتي دقت علي قالت زوجك علمك انه مسافر
قلت ايه
قمت شكيت انه ماسافر وراح مكان ثاني
لله اشكو بثي وحزني
ربي اني مسسني الضر وانت ارحم الراحمين
اشياء واشياء ماتخطر لكم على البال والمصيبة يلبسني الدور واصدقها
ليش انا عايشة بهذا العذاب ليه الشك يحرقني حرق
هل انا سويت ذنب بحياتي ادفع ثمنه؟
هل انا جرحت احد ودعى علي؟
لا اعلم ماذا فعلت لكن اسال الله ان يغفر لي ماسويت بدون قصد ان اذي احد
هل هذا ابتلاء او شيطان مريد يبغى يفرق بيني وبين زوجي؟
احيانا اقول انفك منه على الاقل ارتاح من الشك
وارجع اقول انا بهد بيتي عشان شك!!!!!
زوجي يحب ديرتي ويستانس هناك
ماصرت احبه يسافر معي لكون اختي لازالت في بيت اهلي
بس ماكنت احسب حساب هالامور اول
معقولة ياناس بعيش كذا ............؟؟؟؟؟؟؟؟؟
معقولة بتم حياتي كلها احلف زوجي ..اكيد بيمل ويهرب مني
احيانا اذا صرت كويسة ازعل على نفسي اقول ليش انا اشك بزوجي عيب يابنت
ماتمر علي ساعة الا ويجي شى يقلبني فوق تحت واجلس احوووس بوساويسي
انا اقول الاذكار صباح مساء
لا اخفيكم واتمنى ان زوجي مايقرا كلامي مدري هو حلف ماعاد يدخل
مرة باروبا رحت كوافير ودخل معي زوجي بطلب مني
قلت اروبا والاختلاط عادي واحسن يجلس معي زوجي افضل ماكون لوحدي
المهم الله يبعد عنا وعنكم الشر دخل جنس ثالث لو تشوفونه تحلفون انه حرمة بكل مقايسها
انا عرفته من اول مادخل انه مو حرمة
ولعن الله المتشبهون بالنساء
على حسب كلام زوجي انه الجنس الثالث هذا قبحه الله جلس يغازل زوجي ويطلع له لسانه
انا كنت اصلح اضافري وعكست المرايا وصرت اشوف ملامح زوجي
ضحكت وبعدها قلبي عورني قلت طيب لنفرض ان هذا فعلا حرمة اشلون زوجي يتجاوب معه بالنظرات
سكت لين خلصت ومن طلعنا
قلت له حبيبتي ترى هذا جنس ثالث الي كنت تتجاوب معه بالنظرات
طبعا بحكم اني درست برى وبالجامعة كنت اعرف هذه الاشكال والنوعيات
زوجي انصدم وفتح فمه قال معقول!!
قلت له ليه تتجاوب معه تراني شفت كل شى بالمرايا
طبعا انصدم وقال تراه كان يطلعلي لسانه وسعقت ان حرمة تسوي مع رجل كذا
ورحنا كوفي وجلسنا وجلست اعاتبه
قلت احنا بسفرة ومابي اكدر عليك وعلي بس اذا رجعنا السعودية نتفاهم
جلس يرتعش وقال ابي انام
وقالي صح انا تجاوبت معه بس والله كنت مصدوم لحركاته الي يسويها
عقلي الباطني يخزن كثير امور واذا جاني الشك اتجاوب معه
الي متاكدة منه ان زوجي لايمكن يروح للحرام
هل سبب شكي فيه يتعلق بامور انا حسيتها
ولا هذا وسواس وشيطان يبي يفرقني مع زوجي
صح ان حنا بشر وممكن نغلط وزوجي مو ملاك
بس ودي اعيش حياة طبيعية زيي زي الناس
ودي اخليه براحته وبحريته وبينه وبين ربه
انا مؤمنة بشى واحد ان الانسان اذا يخاف ربه وعنده ضمير راح يندم بينه وبين نفسه ويتراجع
ساعدوني مالي غيركم بعد الله
خذوا بيدي انصحوني باللتي هي احسن
ابي احافظ على زوجي وبيتي
ابي اعيش مستورة تحت ضل زوج يحفظني ويصون عرضي
لا تقسون علي بكلامكم وتجرحوني والله الي فيني من الم كافيني
انتم احبابي وانتم الي اطلع لكم كل الي بقلبي فو الله هذا الكلام مقدر اقوله حتى لامي اقرب الناس لي
الحقيقة هذا الموضوع بالذات اتمنى ان زوجي مايقراه يمكن يزعل
بس هو حلف ماعاد يدخل المنتدى ولا يشوف شى
وانا مو جاية افضح فيه انا ابي حل لمصيبتي وكله عشان هو يرتاح
وقسم بالله اني احبه حب ماحبيته حتى لنفسي ولا ودي اعيش الا معه
__________________
اعضاء المنتدى جمعني الله بكم بالجنة
التعديل الأخير تم بواسطة أم داليا ; 03-02-2011 الساعة 10:26 PM
السبب: توضيح العنوان
03-02-2011, 09:33 PM
ضوابط المشاركة
العرض الشجري