حبيبتي صابره ... ليش الاصرار على الخطأ خاصة وانه معذبك ومتعبك ؟؟؟؟

طلبتي ان ما نقسى عليك .. ولا ودي اني اكتب لك رد قاسي شوي لانك جايبه لنفسك عوار الراس والقلب ومو هاينه
علي ابد ..

كل الحاله اللي انتِ فيها .. من وساوس الشيطان ... والشيطان نحن اللي نعطيه مجال انه يدخل لنا ..
تعوذي من الشيطان ... واتركي عنك الشك اللي انتِ مصرة عليه رغم المعاناة والألم اللي محصلته من وراه ..
تصرفاتك ممكن تخلي زوجك يبعد عنك .. وقتها ما ينفع الندم في شيء ..
نصيحتي لك .. انك تتقربي من الله اكثر ... الشيطان ما يلقى للانسان مدخل الا اذا كان الانسان مقصر في ذكر الله
والتعوذ منه .. فقوي علاقتك مع الله بيزول الشك .. وتذكري ان بعض الظن اثم .. وانتِ كم مرة ظنيتي بزوجك وطلع
ظنك مو في محله ..
الله يفرج همك ويريح بالك ... ويسعدك ويحفظك ياااارب