الف مليون مبروك لاختى كريستى ويارب تشوفيه احلى عريس ويبارك لكى فيه
عاشوقه يا قمر اشكرك جدا حبيبتى انتى كمان لكى وحشه وان شاء الله نفرح بخبر حملك فى القريب باءذن الله
زهور الغاليه ربنا يديم المحبه بيننا ونتلقى باءذن الله اشكرك على دعائك لى ولا املك سوى ان اقول لكى احبكى الذى احببتنى فيه وبارك لكى فى اولادك
كوكار ام كريم بنت بلدى اه والف اه بلدى الحبيبه حماها الله وحشانى بجد يارب تكونى بخير انتى واولادك وزوجك واهلك جميعا كويس ان والدتك عندك ياريت تخليها شويه لان الكبار مش بيقدروا يتحملوا اللى البلد فيه ومش قدرين يستوعبوه فوالدتى منذ بدايه هذه الاحداث وضغطها دائم عالى هى وكل من اعرفهم من الاباء والامهات حفظهم الله وحفظ مصرنا الغاليه مع انى اعلم ان البعيد عن الاحداث بيقلق اكتر تحياتى لها وحبى لكى
هالا حبيبتى بجد ان انسانه غايه فى الاحترام يارب تقومى بالف سلامه ويبارك لكى فى اولادك انا عارفه طبعا ان الحمل والاجهاض بيكون شىء صعب لانى مريت بيهم من قبل مرتين وطبعا الاصعب الحمل داخل الانابيب ولكن احيانا يمر الانسان بلحظات ضعف ممكن تخليه يتمنى اى شىء ولو حتى فيه ضرر ليه لكن الحمد لله انا مؤمنه بقضاء الله وبخرج بسرعه من اللحظات ديه اشكرك حبيبتى من كل قلبى
منمن منامينو777 الصفحه دائما منوره بيكى انتى يا قمر وهتنور اكتر بخبر حملك ان شاء الله فى القريب
نورا حبيبتى بشكرك بالنيابه عن كل بنات مصر وفعلا فعلا انتوا اغلى اخوات على وجه الارض فحبنا لبعض فى الله جعلنا نشعر ببعض اكتر ونواسى بعض فى كل الحالات يارب دائما مجتمعين على الخير
انا عارفه انى طولت بس هقول كلمه صغيره اخيره انا عارفه ان مش هنا مكانها بس معلش استحملونى الاخوات سلمى وام يحى وام جويريه وكوكار وانا طبعاو كل بنت مصريه هنا طبيعى نشعر بخوف واكتئاب وملل واحيانا فقدان امل فى بكره ده شىء عادى بالنسبه لما تمر به بلدنا الحبيبه فكل شىء له ثمن وده ثمن الحريه .
تقبلوا حبى ودعائى لى ولكم
__________________
رَبِّ هَبْ لِي مِن لَّدُنْكَ ذُرِّيَّةً طَيِّبَةً ۖ إِنَّكَ سَمِيعُ الدُّعَاءِ
07-02-2011, 01:02 AM
ضوابط المشاركة
العرض الشجري