الحمد لله ولو انه عندي فضول عن أي الطرق التي نجحت معك بحل هذه المشكلة .. وكما أني أود التاكيد على أن تصل زوجتك لحاجتها فكما أذكر أنك أجبت على سؤال أحدهم بأنك لا تظن أنها تصل لاشباع حاجتها ,,,, أذكر ذلك الان لاني أرى فيه وسيلة لكسر الخجل عندها وبالتالي لحل مشكلتك الحالية من قلة رومانسية

انا اقولك اي طريقه نجحت
ناديتها وجلست معاها وقلت لها تحديد الجماع كل اسبوع اوكل 5 ايام مره مايناسبني
قالت هذا الي انا قدر عليه
قلت لها اذا هذا الي تقدري عليه وماراح تتغيري اجل انا بزوج وانتي خليك زي منتي
قالت تبغى تزوج طلقني وتزوج
قلت مو على كيفك وقت ماابغى اطلق وطبعا بدأ صوتنا يرتفع
وقامت تقول انا سويت لك اشياء كثيره وتنازلت وانتا مايبن فيك (والله نفسي اعرف الاشياء الكثيره الي سوتها بس ماسالتها)
وانا بديت اعصب وقلت لها والله العظيم اني راح ازوج ومافي شي يردني
قالت وااله ماقعد في البيت وبنزل بيت اهلي وماني راجعه البيت
قلت بكيفك ولاتفتكري اني راح اجي وارجعك البيت
ودخلت توضيت وانا خارج اصلي اسمعها تبكي وخليتها زي ماهيا وخليت جوالي في البيت وماطلعت البيت الا بعد ساعتين
طبعا ماكانت في البيت ولقيتها سايبالي ورقه كاتبه فيها اذا نويت كلمني علشان انا اكلم ابويا
فا ارسلت لها رساله انو اذا ماعقلتي انا الي بكلم ابوك
ردت عليا برساله تقولي وحق العشره الي بينا اديني خبر علشان انا اكلم ابويا(هي قصدها انا هي تكلم ابوها انها تبغى تطلق علشان ما تبغاه يدخل في السبب الي هو الجماع يعني مستحيه ابوه يدخل في الجماع)
انا ماريت عليها وهيا طلعت في اليل ونامت في غرفه لحالها
انا سبتها يومين طبعا ما نتكلم والاشوف وجهها هيا في غرفه وانا في غرفه والعيال راحين جاين بينا
المهم انا بعد يومين وانا في العمل ارسلت لها رساله اني لازالت احبك ومتمسك فيك وعندي حاجتين بقولك عليها
الحاجه الاولى الي هيا الجماع في الوقت الي ابغاه وهذي ماراح اتنازل عنها مهما يكون
والحاجه الثانيه الاشياء الى تكلمت عليها في موضوعي وهذي قلت براحتك تسويها او لا لانك لو تحبيني راح تطلعك منك طبيعيه وقلت لها ردي عليا برساله
ردت وقالت انا اول مره انجرح منك بطريقه هاذي وصعبه نرجع زي اول ونتا مافكرت الا في نفسك ومافكرت فيا وفي العيال
وكان مفروض تزن لين يصير
انا رديت انا لو مافكرت فيك وفي العيال كان ماصبرت 9 سنين واذا على الزن انتي عارفه اناكلمتك لين انتي طفشتي وانا طفشت
وما ردت عليا انا سبتها يومين كمان وشفتها ما سوت شي
قررت اكلم ابوها فادقيت عليه وما رد كان وقتها اذن العصر قمت توضيت وبعدها دق ابوها مارديت قلت اروحلو المسجد واكلمه لانو امام مسجد فلما مارديت دق على زوجتي وسال عليا قالتلو نزل
وبعدها دقت عليا وقالت انتا كلمت ابويا قالت لها ايو قالت اشبك بتكلمو في الموضوع قلت ايو قالت انا ماقلتك اذا ناوي كلمني انا اقولو قلت لها انا ارسلت لك وما رديتي قالت اذا كلمتو اعتبر موضوعنا انتهى قلت لها انتي تهدديني قالت لا بس اطلع نتفاهم صليت العصر وطلعت وجلسنا
وهيا كل كلامها ليه تكلم ابويا وذا كان كلمتو كان كل شي انته بينا
انا قلت لها انتي سايبه الوضوع الاساسي وخاشه في قلت وما قلت
انا كلمتك في الجماع مليون مره وانتي منتي راضيه ويهديك ويرضيك والحلال والحرام واني مصره اش تبغاني اسوي اسكت يعني ولا اروح للحرام
المهم واحنا نتكلم دق الجرس وجاتها ضيفه فتحت الباب وجات عندي وسلمت عليا وحضنتي (اول مره تسويها ) وانتهت الحكايه بعدها
وبعدها انا ماكنت انو الموضوع لدرجه هاذي
بس انا ماني دري انو هيا سوتها علشان خايفه اتزوج عليها ولا خايفه انو اقول لعمي
وانا اعتقد انها موخايفه انو عمي يقول لها على الجماع وحق زوجك بس تنحرج وتستحي يفتح معها سير الجماع