لا اعلم تفسيرا او حل لتصرفاتها
السلام عليكم ورحمة الله وبركاته
لدي مشكله اتعبتني كثيرا واحرجتني مرارا وتكرارا
الا وهي ابنتي الكبرى ذات الست سنوات
منذ ان جاءت الى الدنيا الى ان وصل عمرها الى 3سنين ونصف كانت مضرب
مثل في الادب والهدوء
والمعاناه بدات منذ
ان رزقني ربي الطفل الثاني وعمره الان 2سنه وثلاث شهور تقريبا
وازداد الوضع سوءا منذ ان جاء طفلي الثالث وعمره الان سبع شهور
ازدادت مشاغبتها جدا
لا اعلم كيف ابدا بوصف طبعها لكم
اولا الايجابيات
الاشياء الجديده تتعلمها بسرعه ماشاء الله
يعني بالمختصر البنت ذكيه+حلوه زي القمر+كريمه+قلبها طيب+خجوله نوعا ما
السلبيات
فوضويه في الاكل وكمان غرفتها دائما مكركبه+ملابسها نادرا ماترتبها وترجعها الدولاب+ماتحب المساعده
واذا ساعدت بالزور وبدون نفس ((يعني احيان اطلبها تشيل شئ من الارض تروح تشيله برجلها))
+عفشه+غيوره+ثرثاره+احيان كانت تنسى بعض اغراضها بالمدرسه
وعند الناس الله المستعان ماادري وش اكتب+لما احد يضربها بقصد او بدون قصد تصرخ بصوت عالي جدا او ياخذ اي شئ من اشيائها تعالوا شوفوا الصراخ والبكاء+احيان تصر على الشئ الى ان تاخذه سواء بعلمي او دون علمي
حسساسه جدا+عصبيه جدددددددددا+وتتنرفز من حتى نظره
اقولها لاتصرخين سوي نفسك عادي تقولي طيب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
+اصبحت الفاظها غير مهذبه+واحيان اذا حطت عينها على احد تجلس تغثه بالكلام والحركات
وانواع [COLOR="Red"]السلوكيات التي لا ترضاها ام لاطفالها
عماتها احيان مايتحملون تصرفاتها ويضربونها قدامي ويهزئونها ويسبونها
والله اني انقهر من قلبي عليها احبها واتمنى اشوفها احلى البنات
وبنفس الوقت ترفع ضغطي ماتسمع الكلام
ودائما انبهها اذا رحنا عند عماتها((بيت جدانها)) اقولها لاتغثينهم
لاتاخذين اغراضهم
اذا معصبين ابعدي عنهم
لاتزعجينهم
تادبي الادب حلو يخلي الواحد حلو
يصيرون يحبونك كل الناس بالادب والاخلاق الزينه+واحيان ماتسلم على جدها وجدتها
واذن من طين واذن من عجين
تقولي حاااااااااااااااااااااااااضر
مثال اخر
احيان تروح عند بيت عمها وعنده ولد عمره تقريبا6شهور
لما يكون في الهزازه تهزه بقوه وبعد فتره تجيني الشكوى ترى بنتك
هزت (...)بقوووه +وموقف مره صرخت عليه
والظاهر الولد خاف وبكى فماني عارفه
قصدها تلاعبه ولا صدق تخوفه
وماني عارفه عفاشه منها ولا عداوه
وطبعا اخوها اصغر واحد تموت فيه ولا تاذيه
اذا رحناعند بيت جدانها انواع المشاغبه وعدم الامبالاه
بكلامي مع ولد عمتها اللي بسنها[/COLOR]
اذا جانا ضيوف تحاول تلفت نظرهم بحركات مو زينه
تضحك بصوت عالي
تركب سيكل وتجي المجلس
يسئلونها احيان ماترد؟؟واحيان ترد
يعني تصدر منها شغلات مرررررررره ترفع الضغط
الاساليب المستخدمه
الحرمان من اشياء تحبها
اسلوب الطيبه والكلام الحلو
الضرب
النجوم والمكافئات
ملاحظه اخوها الاصغر منها تغار منه
بشغلات واحيانا تضربه
مره بغيت اختبرها
قلت لها اخوك بوديه عند عمته يعيش عندها
جلست تبكي وتقول لالالالاتودينه والدموع على الخد
اسال الله العظيم من تساعدني بحل لمشكلتي ان يطول الله بعمرها
في طاعته وان يحرم الله عليها النار
ويجعلها للجنه
__________________
اللهم صلي على نبينا محمد وعلى اله وصحبه اجمعين
21-02-2011, 03:35 AM
ضوابط المشاركة
العرض الشجري