حبيبتى وليه الزعل كل تاخيرة وفيها خيرة طب اقلك على حاجة انا سنى 19 داخلة على العشرين كمان كام شهر واحنا فى مصر لو واحدة متجوزتش فى السن ده عادى لانى مفيش سن معين يربط البنت والسن الافضل 25 26 27 فى الرنج ده بعد الدراسة لانى الاهم هو الدراسة بس ده ميمنعش فى بنات اقل من سنى اتجوزوا
تعالى اتفرجى فى الجامعة كل واحدة اتجوزت تجيلى تقلى هو انتى لسه متجوزتيش ولا البجاحة بقى طب ايه السبب مفيش حد جالك اتقدملك خالص
يعنى استفزاز ما بعده استفزاز رغم والله ما فارق الجواز معايا بس هتقولى ايه
وتفتكرى الى بتعمل كده مبسوطة فى حياتها والله ابدا جواز ده مسئولية وتفتكرى ان المسئولية انها تستفز كل بنت علشان هى اتجوزت وهى لاء
ارمى حمولك على الله وباذن الله ربنا هيرزقك بلى يقدرك ويصونك ويعوضك كل الفترة الى فاتت
ربنا ينعم عليكى بالزوج الصالح عاجلا ويرزقك بالذرية الصالحة ويفرح قلب اهلك بيكى يارب
خير ان شاء الله ياقلبى