السلام عليكم


انا سجلت هنا لاني خلاص مابقى فيني حيل وابي المساعدة وربي تقفلت بوجهي كل الطرق واحترت
ابقولكم قصتي باختصار واتمنى تفهمون علي لاني اول مرة اكتب بمنتدياتي

انا عمر 24 من تخرجت من الثانويه ماانقبلت بالجامعه مع ان معدلي كان كوويس بس نصيب
المهم بديت اعيش وقتي فراغ بفراغ
سهر لوحدي على النت وعالتي في والتليفونات مع صاحباتي للصباح
انام للظهر
ماعندي اي مسؤليات
عندنا شغاله
انا مالي اي دور في البيت يعني وجودي مثل عدمي
لي جناح خاص بالبيت لدرجه اني احس اني عايشه لوحدي مااحد يصحيني
ولا احد يسال عني ولاشي
بس الطلعات والروحات والجيات لا محدودة جدا ولا اطلع الا مع اهلي
المهم
بديت امل من نفس الروتين سنه ورى سنة مافي شي يشغلنني هسترت وربي مافي شي ابدا وانا انسانه مللوله مااحب اقرا ولا احب شي

بس الحمد لله تعلمت اشاء بسيطه بالمطبخ كنت افاجا اهلي بحلى ولا طبخه وكانوا يشجعوني بس امل مااحب ادخل المطبخ كثير
المهم كانت عندي صديقه بالثانوي لعاببه
اول ماتخرجنا وجلسنا بالبيت
طلعت شريحه بدون اسم من ورى اهلها
وبدات تجمع ارقااام الشباب وتكلم وتضحك وتستانس وتاخذ من هذا شحن وتلعب بس ماكانت تتطلع ابدا ولا ت احد شافها بس مجرد تقضيه وقت عالجوال
مع الايام قلت دام فلانه مبسوووطة والليل يعدي عليها بهالسرعه ولا حست بالفراغ ابسوي مثلها
وفعلا طلعت لي شريحه
وبدات النهايه

طحت بالعلاقات
لدرجه اني كلم 20 بدون مبالغه قسم بالله
الليل كله ضحك وناسه وغزل وخرابيط
صرت اشوف الوقت والايام تعدي علي بسررررعه وطبعا انا استانست الحمد لله صارت ايامي حلوة ومافيها طفش

المهم كنت العب العب العب بمعنى الكلمه
كم واحد تعلق فيني
وكم واحد حبني وكم وكم وكم انا لا اجاهر بس ابيكم تفهمووني
انا كنت خاليه احساس ماااااا حب ولا احس ولا شي السالفه عندي تقطيييع وقت ووناسه بس


وفي يوم دخلت الشات طبعا كالعادا علشان اجمع ارقام ااااااخ ياقلبي ااااه
جاني بالخاص واحد وتتريق علي وجلس يتهزا فيني وبطريقه كلامي معاه
المهم استفزني مررره وقررر يرقمني طبعا انا قبلت مثله مثل غيررره
المهم اخذت رقمه
وبديت اكلمه كان بس يتهزا فيني
ويتتريق علي طول الوقت طبعا كان غير عنهم كلهم يمدحوووني<<يطيروني بالعجه
كان يدق علي اطنشششه ويلاقي ويتنق طول الوقت
بديت اتحمس له وحسيت انه غير<<غبيه
واتشوق لمكالمته لي ابي اشوف وش بيقول هالمررره
مع الايام سررررررت متعلقه فيه بجنووووووووووووووون بجنووووووووووووون صرت انا اللي ادق عليه
انا اسال لحد ماتعلقت وحبيته
وهو نفس الشي حبني<<كلام فاضي وربي

المهم مع بدا يطلبني يشوفني
طبعا هو بمدينه وانا بمدينه
طبعا طلبني صورة لي
انا ماعمري سويتها ولا فكرت بيوم ارسلها وكنت اعتبر اللي تسويها وحده ضعيفه
المهم طلبني صورة

على طووول ارسلتله
طبعا هو بعد ارسلي اعجبت بشكله وزاااد حبي
وهو نفس الشي
صار يمدح بجمالي وبلون بشرتي وانا هنا تحمممست
وصرت ارسله باليوم صورتين ثلاث

وهو نفس الشي
على هالحال سنتين وثلاث المهم هالسنتين ياعالم قسم باله حتى اهلي ماسرت اشوفهم
وربي ياناس اني طول الوقت بغرفتي

قطعت كل علاقتي بأمر منه هو
صديقاااتي قريباتي
مافيه احد وووصل الي اني الغيت رقمي اللي يعرفوني عليه الناس ومابقى معاي الا الرقم الللي اكلمه عليه


حتى اهلي يفكرون ماعندي جوال


ماصار عندي صديقات ولا حتى قريبات ولاشي طوووول الوقت معزووووله عن العالم بغرفتي غرقااانه بحبه وهيااامه

وربي يابنات اشحن باليوم 300 علشانه
يوميا على هالحال


اخذ من امي من ابوي المهم اشحن
وطبعا اشحن له معاي وارسله شحن

واربع وعشرين ساعه اسمع صوته ينام يصحى يروح الدوام وانا معاه
طبعا علاقتي في اهلي تغيرت 180 درجه
ياناس كنت فرفوشه اسولف مع امي مع ابوي
صرت انطوائيه ساكته طول الوقت افكر ذهني شغال تفكير
اهلي صاروا يقولون عندي حاله نفسيه وانطوائية وهما مايدرون اني بعالم ثاني
طبعا هو صريح معاي قال انا مابتزوج ابد

قلتله حتى انا وببقى معاك حتى لو مااتزوج
وحصل كم مررة جاني خطاب اورفض طبعا من دون سبب
كيف اتزووووج وانا احبه بجنوووون وقتها اهلي غصبوووني على ولد خالي وتملكت عليه بس شهرين وطلبت منه ننفصل ماقدرت ماقدرررت ماقدرت افهموووني وربي ماقدرت
وربي ياناس سرت افكر اقولل اببقى طول عمري كذا بدووون زواج بس اجلس اكلمه
سحررررني سحررررني


والحين هوا سافر لدوله ثانيا طبعا يكمل دراسته وانا صرت اصرررف عليه وربي اكلمه على حسابي بالساعات
وهو متى مايبيني يرسل كول مي وانا ارجع اكلمه
وصرت ادبل الشحن لي وله
بس هالفترة من سافر صار يسحب علي بالايام
ومايسال الا لما اسال انا عليه؟؟؟

وربي كان بالسعوديه لو يمر ساعه مادقيت يحرق جوالي
والحين بالايام مايدق ولا يسال ولاشي

انا هنا حسيت اني راميه نفسي عليه

وبديت اصحى من اللي انا فيه
لانه صار يكلمني ببرود وتعامله مررره تغير معاي؟؟


المهم انا خلااااص كرهت الظلام اللي انا عايشه فيه كرررهت حياااتي
ابي اتحررر مثل باقي البنات ابي اضحك ابي استانس ابي اعييييش ابي انسااااااااااااااااااااه ابي انساااااااااااااااه
ابي اكرهه ابي اكرررررررررررررهه وربي تعبت
دخلت معاهد ودورات علشان انساااه لقيت كل شي يذكرني فيه
بديت اصلي وادعي ربي رحت مكه وربي اطوووف وانا ابكي ادعي ربي يصرف قلبي عنه
بس مازلت احببببه احبببه ابكي طول الوقت وربي ابكي مثل الاطفال على صوررتة
وارجع ادق علييييييييييييييييييييه
انا تعبت وربي تعبت