الردود كثيرة وصعب علي ارد على كل واحد على حده
فاشكر الجميع لتعاونهم وأجاوب على إستفساراتكم وأعذروني على التقصير لأني ماني مركزه زين :
الأخ فارس ... ياليت تثمــن الكلمة قبل تقــولها , ترى ظلمتني وأنت مانت داري عن شيء !!!!!!
والأخت فري دفرنت مشكورة إنك وضحتي اللبس اللي حصل عندهم , ومادري وش الفائدة من نقلك لموضوعي ؟!!!!!!
والأخوات اللي يسالون عن الناقص في الموضوع : ما فيه شيء ناقص بس أنتم تعمقتوا لتفاصيل دقيقة وخاصة جداً
عشان كذا تبين لكم إن فيه نقص ....
واللي تسأل عن أخواني وعن خلود ,, أقول لها مالهم علاقة بموضوعي الموضوع بيني وبين زوجي ماحد من العائلة داري فيه
واللي قالوا لي ليش ما أقول لأمي العيب فيني ؟
قلت لها إني أنا اللي عندى مشكلة وأن وحيد صابر علي , عشان كذا تصر إلا تعرضني على طبيب
وطبعاً مستحيل أروح معاها فكان ما فيه إلا الطب الشعبي , فرحت معاها عشان ترتاح لأني عارفة إن مستحيل يعرفون
وضعي , واستخدمت الأعشاب اللي تسويها لي عشان خاطرها وهذا اللي بيذبحني أحسني أستغفلها !!!
ومسألة التبني وتربية يتيم أختى ما قصرت عرضت علي واحد من عيالها وقالت خليه معك إلى ما يرزقك الله بعيال
لكن أنا ما أبغى ولا يمكن أفاتح وحيد بهالشيء ابد , لأنه بيتحسس و يعتقد إنه هو اللي حارمني وإني متشوقة للأطفال
وبيفكر بالطلاق ..........
واللي تسأل كيف لو يتزوج وحيد وهل ممكن ؟؟
أنا قلت فرضا يعني خيال كذا تفكير يجيني لحظات يوم بيقول إنا بنطلق واني أنا اتزوج غيره وأقول هو ممكن يتزوج ..........
والأخ شاطي المحبة :
جزاك الله خير الجزاء أخوي على تعاونك وحسن ظنك ...
والله ما إستهنت بالدعاء وأملي كله بالله تعالى , وكون زوجي مو عارف حجم معاناتي إلا حاس وعارف وشايف
بس إحساسه بالذنب أكبر , و ماودي أضغط عليه أكثر , خاصة يوم يضعف واشوفه يبكي ودي أريحه وابعد عنه
لو فيه روحي , وبنفس الوقت ودي أكون معه , إنفعالي من بكاء وإضراب عن الأكل وغيره بتعبه وهو ماهو ناقص ............
وجزيتم خيراً مرة ثانية .....
__________________
السعادة هي :
الإحساس بالأمان والمشاركة مع الشخص الذي يخاطب
" الروح قبل الجسد "
15-03-2011, 03:01 AM
ضوابط المشاركة
العرض الشجري