عطوني رأيكم في مهزلتي الزوجية وانتحار حبنا (مستجدات 327)

20-03-2011, 04:30 PM

#11

a7bha

قلم وفي

تاريخ التسجيل: Feb 2009

المشاركات: 287

اقتباس:

المشاركة الأصلية كتبت بواسطة للحياة ألوان

اخوي .. زوجته واضح انها بايعتها بايعتها .. قال لها بأعطيك 50 الف وقالت ما ابيك حتى لو تعطيني الفيلا حقتك..
وانا اعرف ناس مثل حالته.. قالت لزوجها والله لو تعطيني عيونك مارجعت لك ورجعت له مهره وفلوسه وهداياه وكل شيء من قبل لا يسوي مشاكل و يطالب فيها !! .. وقالت من البدايه كل حقوقك بترجع لك وفوقهم زياده لو بغيت خلاص عافت النفس يعني عافت !! .. و ارسلوا لها في مجلس من يقول لها ..ان زوجك سيتزوج .. فرفعت يدها تدعوا له بالتوفيق !!! ... هذه النوعيات مايهمهم!!..(الكره شين وانا اختك ) ..هي كرهته كره أعمى .. يمكن عين والله اعلم .. او رأت امور في حياتها معه ما جعلها تكرهه وتكره اهله دون قصد منه ... او انها من بدايه زواجهما ما حبته من الله ليس لأنه شخص سيء بالعكس من الواضح انه شخص كويس و محترم .. ولكن اقدار او عين قويه فرقت بينهم ما يطفيها إلا الطلاق .. والعياذ بالله ..

معليش يا اختي انا والله ما ودي اذكر تفاصيل لكن هي خرجت من البيت وهي تقول لي انا احبك ولا تهون علي لكن غصب عني(من غاصبها الله اعلم) وذكرت اني كدت اقنعها بالبقاء لكن طلعت من البيت ووجدتها تراجعت واكتشفت فيما بعد انها كلمت رقمين امها وامرأة اخرى يمكن من عماتها او خالاتها الله العالم المهم ان حتى الوالد سألها هل تكرهينه ؟ قالت لا ؟سألتها تكرهيني ؟ قالت ما اكرهك لكن كرهت المشاكل معك والتوتر000 عموماً على قولتك انا مو غاصبها على الحياة معي وانا لم افكر بنفسي لو فكرت بنفسي كان تركتها وتزوجت اخرى بكل سهولة الحمد لله كل شئ متوفر ولله الحمد وبنات الحلال كثير لكن نظرت لمصلحة الأطفال ومصلحتها لأني متأكد انها ستندم مو لأني ملاك بل لأني عارف معاناة المطلقة خصوصا لا شئ يعيبني لكن للأسف الطيب بهذا الزمن ما ينفع نهائيا كم من زوجة تحملت الخائن واللي تحملت السكير والمنحرف واللي تحملت المعاق والمشلول واللي تحملت المسجون (بنت عمها تحملت زوجها مسجون من 8 سنوات في قضية جنائية ورفضت انها تطلب الطلاق) لكن زي ما قلت لك فيه ناس تبطرت على النعمة والله ثم والله اني كنت ابكي بحرقة على فراقها لكن بعد كثرة الاستخارة والدعاء اصبحت عودتها كعدمها لا يعنيني الا هؤلاء الاطفال وصحتهم وتربيتهم وهي بالرغم من كل الحب والتقدير والذكريات الجميلة تبقى بنت الناس بيني وبينها ورقة وهذا انتقام رب العالمين مني لأني اهتميت فيها اكثر من الام والاب والاخ والاخت وسامحوني على هذه العبارات لكن بوح خاطر0

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 03:04 AM.

روابط سريعه