كيف تقنعين زوجك بالدفع ؟ - منتدى عالم الأسرة والمجتمع

23-03-2011, 08:37 PM

#11

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

اقتباس:

المشاركة الأصلية كتبت بواسطة الغربه مره

ما شاء الله تبارك ا لله

الله يزيد ويبارك

منتي هينه يا تيته بيتا

و تقولي لي يحتاج لها شرح و تفاصيل

ما ضاع حق ورائه مطالب

خليكي بهلطريقه
و دلعي حالك اسلوبك كثير حلو استمري عليه

و شوي شوي دخلي عليه الكلام الحلو حتى لو قدام الاولاد

يعني مثلا عفويا قولي له يا حبيبي و من عيوني
وياقلبي وربتي على كتفه يعني شوي شوي

و رددي هلكلمات للحفيد امامه حتى ما يشك
انه لسانك صار حلو مع جيه الحفيد
و اذا استهجن بلبدايه ما تخلي بنفسك
يكون طاير من الفرحه و مش مصدق

الله يحليا يامك كلها ويجعلها اعياد

ومن قال اني هينه ؟؟

لما يكون حسن حال بينا أناديه أغلب الوقت بحبيبي أو عيوني أو عمري حتى قدام الأولاد وقبل ما يجي الحفيد .. أحسه يتفاجأ أو يستغرب بكل مرة

مع اني صارلي كذا شهر على هالحال .. ومرات تصدف يكلمني بالتليفون ويكون حاط السبيكر ولما أجاوب أقولها لاني أكون وقتها مرتاحه له

..أحس انه انحرج وتلخبط شوي قبل ما يكمل كلامه ...
بس الفترة الماضية ومع المشاكل لما جا الحفيد بدلت صورة أبو العيال عن جهازي وحطيت بدالها صورة الحفيد

وغيرت اسمه من حبة عيوني لأبو فلان

وقبل ما تبدي تلوميني أقولك اني رجعتهم من يومين بعد ما صفت نفسيتي شوي

نسيت أرد على نقطة ذكرتيها بردك الأول ..قلتي انه الذهب يعتبر من ماله هو كمان .. لكن هذا الذهب هو مهري وشبكتي ... وحتى لو كان هدايا منه فهو يعتبر مالي الخاص . كيف اعتبرتيه ماله ؟ في أساس معين اعتمدتي عليه ؟
ما ادري اذا طريقتي كانت صح بطرح الموضوع ..أحس اني كنت لينه وهبله وصرفني بكلمتين .

المغرب كلمنا البنت وقالت انها تشوف جهازه جيد وتنصحه انه يغيره عند انتهاء كفالته ومدتها 3 سنين بنهاية هذي السنة لانه الجهاز عادة يبتدي يدوخ لما تنتهي كفالته . ومثل العادة سكت وما أعطاني راي ... وانا خليته بعطيه فرصة يفكر واليوم المسا أرجع أسأله عن قراره . وأتوقع انه يأجل قراره الى أن يرجع جهازه من التصليح ويشوفه .. الجهاز مفروض يرجع بكره وعلى ما ننزل عليه البرامج بياخذ له كمان يوم ..

الصبر من عندك يا رب ..انت عارف اني ما سألت ولا طلبت ولا راجعت الا عشانك وطمع بثوابك .

على سيرة الحفيد .. حبيب قلبي العسل .. اليوم الصبح من الساعة 7 رحت بيتهم وقعدت شوي معاهم وعرضت عليها اخذه معي البيت أريحها شوي .. عرضت وانا متوقعة ترفض بس فاجأتني ووافقت .. وصاحبتك ما كذبت خبر .. أخذته البيت وشبعت منه .. صاير يبتسم لما تبتسمي له .. ما شفت طفل بنباهته .. أدري بتضحكي علي وكيف تبان نباهة طفل عمره 40 يوم لكن وربي يفهم ويعصب ويطالع بعيونه بنظرات معبره .الله يحميه ويجعله من الصالحين

__________________

التعديل الأخير تم بواسطة خاله بيتا ; 23-03-2011 الساعة 08:43 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه