عطوني رأيكم في مهزلتي الزوجية وانتحار حبنا (مستجدات 327)

25-03-2011, 01:54 AM

#11

بش بش%

عضو جديد

تاريخ التسجيل: Sep 2010

المشاركات: 27

اقتباس:

المشاركة الأصلية كتبت بواسطة a7bha

يا اختي الكريمة انا لا اشك اطلاقاً في زوجتي ولا في اخلاقها ولا حتى في حبها لي رغم كلام الناس اللي يقولون باعتك وتركتك عندي من الدلائل والاثباتات الشئ الكثير والدليل اللي ذكرته هو واحد منها وانا ذكرته كإثبات للأخت اللي سألت اما اكبر دليل على اخلاقها اني متمسك بها فهل الرجل يتمسك بزوجة لا اخلاق لها ؟؟
كل المشاكل اللي صارت بإرادة الله ولو اراد الله لنا عودة سنعود لبعض ولو كتب الله غير ذلك فلن يغير انس او جن من ارادة الله لكن بالنسبة لأخلاقها فلاشك ولا جدال اني اثق بها لكن ربما اني اخاف واغار عليها بزيادة والسبب والمفروض اني ما اذكره لكن لأنك تريدين السبب انها الحب الاول والاخير وحتى لو تزوجت فيما بعد فلن تصل اي انسانة لمكانتها(عدا والدتي حفظها الله) والسلام00

طالما انك تحبها لهذي الدرجة لاااااتطلقها >>>و اتحمل ما يجيك منها الله يعينك لانو حرام تتزوج غيرها وتظلم بنت الناس معاك انا اعرف شخص يحب زوجته ولكن طلقها تحت ظروف قاسية يعني تقدر تقول غصب عنه وتصرفات زوجته نفس تصرفات زوجتك وراح في حال سبيله وتزوج لكن يا قلبي عليها ما جلست معاه الا شهورقليلة الا وطليقته كلمته تبغى ترجع له ورااااااح يررررركض وقال لزوجته بكل وقاحة انا احبها موووووت ومافي شي حيردني عنها وانتي اذا ما ناسبك الوضع اطلقك لو بغيتي الا المسكينة ما مداها تقرر مصيرها وطليقته شرطت عليه يطلق زوجته عشان ترجع وفعلا نفذلها طلبها
انا ما ابغى اعقد الامور اكثر ولا ابغى اشتتك لاني مريت في مشاكل مع زوجي اكبر بكثيييييير من مشكلتك ولاني ضعيفة واعمل باصلي وفوق هذا ما عندي القوة اني ادافع عن نفسي اكون انا المجني عليها دائما وكله في سبيل عيالي الله يخليهم لي ولا يحرمني منهم
وفي الاخير هذي حياتك انت اللي تقرر نحن نعطيك خلاصة تجاربنا عشان تستفيد منها يعني انا زوجي مثلا جدددددا سئ وانا مقتنعة انه ماينفع زوج اصلا والكل كان يقول لي كيف عايشة معاه اتطلقي منه قبل لا تموتي من الهم لكن لاني عارفة نفسي اني مااقدر استغني عن عيالي ولو بعدت عنهم رح اتعذب اكثر قررت الرجوع لزوجي >>>هذا وانا مقتنعة انه فراقه عيد
وبالنسبة لوضعك انا اشوف انه انت سويت كل شي ممكن انه الرحال يسويه لزوجته وقت الزعل عشان يرضيها ورغم كذا ما فاد مابقى قدامك الا اختيار واحد وانت مجبور عليه انك تهملها وتطنشها والفلوس اللي رسلتها تكفيها وزيادة لا ترسل غيرها وعيالك خفف اتصالاتك عليهم عشان لا تحسبك تتصل عشان ودك تسمع صوتها وشوف ايش بتكون ردة فعلهم
واذا اصرت على الطلاق رح لها وقول انا مستعد لاي شي تطلبيه وما رح امنعك عن اي شي ورح تعيشي حرة ولما ترجع لك سيبها تسوي اللي تبغاه تروح السوق تكلم خالها تسافر تتجنن وانت لا تفكر في يوم انك تقول لها لا >>> لا تزعل مني انا ما اقصد الاهانة لا والله انك رجال والنعم فيه ويكفي اني اقول لك اني ما قد شفت انسان برجولتك وشهامتك واخلاقك وهذا واضح من ردودك واسلوبك الراقي لكن اظلم نفسك ولا تظلم بنات الناس (طبعا ما اقصد زوجتك انا اقصد الانسانة اللي رح تتزوجها اذا طلقت زوجتك)

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه