المشاركة الأصلية كتبت بواسطة بنت الحكمي

لا ياعبير ياحبوبه ماراح يجيك شئ مني أبد لأن محسوبتك مثلك
نفسها تجرب هالشعور ونفسي تكون معي شريكه علشان أعيش الجو وأجرب طعم الشريكه وبنفس الوقت يكون عندي يوم إجازه والله لو زوجي يطاوعني لأزوجه بس زوجي كل ما أقول له أبغى أزوجك يقول لي خير إشتكيت عليك ناقص علي شئ بالله عليك فكينا من هالسوالف مدري شكلي أنا عقدته من النسوان مايحب طاري الزواج ولاطاري الحريم حتى لو درى بأي أحد من جماعتنا عدد يقول لي حرام عليه وزوجته الأولى هاذا جزاها ويجلس يسألني كيف أنا شفت شعور الزوجة الأولى لرجل المعدد ويقول مسكينه هاذ زوجها حرق قلبها الله يعينها ولابعد يقول عنه هاذا الرجل مايقدر العشره وإذا كان يعرفه لو حصله في مكان يجلس يعتب عليه يا أخي أنت وش سويت أم فلان مسكينه ليش تزوجت عليها أم عيالك وشريكة حياتك وتعبت وضحت بحياتها وشبابها معاك يحر ج الرجل ويحسسه كأنه مسوي ذنب .