أختي أم سفيان

ماشاء الله تبارك الله ، ربي يحفظ لك أولادك ..
لو إنك بنت ( أمي ) .. و الله أمي بتحطك فوق راسها

دايما تقول اللي يجيب بنت ، ما كأنه ( تزوج و خلّف ) .. عكس زوجك
و أنا أقول لها ، البنت تشيل أمها و أبوها و تحن عليهم و بسببها يشفع لهم الرسول صلىى الله عليه و سلم
و التفرقة بين البنت و الولد ما شفتها غير هنا في البلدان الإسلامية أكثر شئ مع إنه المفروض العكس ..

المهم ..
زوجك مثل زوجي ، أحس لو أجيب ( بنت ) فراح يفرح بها كثييييير ..
و دحين أنا حامل بس لسى ما عرفت إيش فيه في بطني ^_^
و أمي نفسها أجيب أخ لولدي ..

فزوجك متعطش بالفعل لإنجابك لـ ( بنت ) لإنه ما عنده أخوات ..
و تصرفه بالإهتمام بملابس البنوتات و كذا ، برضو طبيعي لا تشيلي هم ..
أعرف وحدة بعد ما جابت 4 أولاد ،، صارت تلبس ولدها اخر العنقود ملابس البنات
و تطول له شعره ، من كثر ما كانت تتمنى إنه يجيها ولد

و هي دحين ( جدة ) و عندها أحفاد .. و دايم تقول لو عندي بنت كان عملت لي و عملت
لو عندي بنت .. إلخ و تجلس تبكي


و اللي زاد من حالة زوجك إنه أمه ( ميتة ) من يوم كان صغير ..
و تعلقه في والدتك ، لإنها بتعوضه عن حنان ( أمه ) ..

.
.

ليه ما تحاول حبيبتي ، إنك تعامليه كأنه ( طفلك ) مرات ؟؟؟
زوجك بداخله ( طفل ) .. و حكايته فكرتني بحكاية أخ معنا هنا اسمه ( زيتون ) ..
مرررررة مفتقد لحنان أمه و زوجك مثله

.
.

مشكلة إنجاب ( البنات ) ما نقدر نعالجها
مثل اللي يتمنى يجيه ولد ، و ربي يرزقه بنت .. و الشئ هذا بيد ربنا

لكن تعلقه في والدتك .. فحاولي تشوفي زوجك إيش النقص اللي هو بحاجة له
و حاولي مثلا تأكليه مرات ، و أولادك لا تظهري اهتمامك بهم أمامه ( أبداااااااااااااااااااااااااااااااااااااااااااا )

و الله يوفقكم