في زمنا هذا تغيرت الاوضاع...في الاول كانوا الشباب والبنات يرضون بالامر الواقع...وماتكون عندهم الجرأه برفض قريبها او الشاب يرفض قريبته او اي بنت حتى لو من خارج العائله..

الان وهذا ماالاحظه ..صاروا البنات والشباب اكثر جرأه...يعني حتى لو وافقوا في البدايه بعد الزواج ينفصلون..

او في ايام الملكه كل واحد يصرح للطرف الثاني ودائما يكون الرفض وعدم الاقتناع من طرف واحد والطرف الثاني يصاب بصدمه خصوصا ان كان يحبها وهي لا والعكس صحيح...

زمان اول تحول...والجيل هذا ماعاد يستحمل اي شي..حتى المجاملات..ماستحملونها..ولايتركون لانفسهم فرصه عشان يحبون بعض..مع العشره..

وانا احمد ربي مليون مره ان زوجي مقتنع في تمام الاقتناع..ووجوده في البيت دايما والحديث معي طول الوقت اكبر برهان وانا ايضا مقتنعه فيه اقتناع تام..وهذا اكبر نعمه احمد الله عليها..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها