بسم الله الرحمن الرحيم
السلام عليكم ورحمه الله وبركاته

بعض الاعضاء ما ادري وشلون يعني
لانهم ما انحطوا بنفس الموقف
فردودهم تجي مستنكره مشاعرك وموب فاهمين اللي انتي فيه

لانه الكلام شي اني اقول ما بزعل لو اختي الصغيرة انخطبت
والواقع شي غير

فاللي ما جرب
ما يقدر يفهمك

>>>> كلمي اللي مثلك



اول شي بقولك طبيعي اللي تحسين فيه والله يلوم اللي يلومك
لانه مجتمعنا يشوف الزواج شي عظيم واللي ما يتزوج بنظرهم ناقص


المساله مو انه انتي ميته على الزواج
اكيد لاء
هو مو مهم بذاته

ولكن المساله مساله ثقة بالنفس
وانو انا وش يفرقني عن بنات خلق الله ؟
واش ينقصني؟
واش يعيبني ؟
لدرجة اللي حولي كلهم من قريب وبعيد انخطبوا وانا بعدي ؟
اللي اكبر و بعمري واصغر
حتى اختي مثلي مثلها وشلون هي تعرس وانا لاء ؟


وابي اراوي العالم يا ناس انا مرغوبه وفي من يفكر فيني و يحلم بقرربي

هذا السبب.... سبب ضيقتك

وليس انه حسد او كره او او غيره


العلاج :

اول شي صدقيني انه في يوم الحفله مشاعرك بتتغير صدقيني
وهذا الشي انا مجربته يوم ملكه بنت خالتي اللي اصغر مني
صحت لما عرفت بزواجها لانها الله يستر عليها كانت "لعابه"
وجاني الشيطان انه حتى اللعبات مشو وانتي مكانك سررر
لكن يوم الحقله ابدا ما توقعت اني بعد هالصياح والنياح رح انبسط
وانا رايحه السيارة يدي تررررجف من القهر
لكن مجرد ما شفتها مدري سبحان والله وش جاني وفرحت و غنيت معاهم و باركت لها من كل قلبي
وانبسطيت مره في الحفله


يعني لا تخافين كل هالحزن بيروج لانها البدايه الخبر عليك فقط
مصيرك تتعودين هالشي


المطلوب عليك تسوينه:
1_ تقويه علاقتك " بربك " في النهايه هذا نصيبك وما كان جمال هالبنت الا سبب و ما كان علاقه بنت خالتي لخطيبها الا سبب لانه كل شي بيد الله سبحانه وتعالي وهذه مجرد اسباب

2_ تقويه جانب الايمان بقضاء الله وقدره

طيب وشلون اطبق نقطه واحد ونقطه اثنين ؟؟؟

عن طريق العبادات على اختلافها من صلاة في وقتها ابيك من اول ما ياذن تنفضين ثيابك و للوضوء والصلاة بسرعة تصلينها بتمعن ، تخشعين في الصلاة تطليين السجود تحكين اللي بقلبك تفضفضين بكل شي يتعبك ،

اذا كنتي ما تصلين السنن ابتدي تصلينها فو الله انك ستلقين راحه عجيبه


عندك صلاة الليل ايضا مو لازم تكون طويله حتى ولو ركعتين كفايه وفيها بركه كثيرة

بعدين الصدقة اتبعت هالطريقة جدا حلوة اني نهايه كل شهر من مرتبي اخصص مبلغ بسيط و امشي بالشارع مثلا شفت عامل داخل المسجد ولا شي واعطيه
هالعباده تمنيت ان تكون بيني وبين الله سبحانه وتعالى لكن اظهرتها لك
للفائدة
ترى العطاء شي جدا جميل ويمكن كثير مننا غافل
ولا يعرف حلاوة هذا الشي الا اللي جربه

الصيام ايضا منها روجيم يحلو جسمك وتفرحين به زوج المستقبل ان شاء الله ومنها عباده


اذا تقدرين روحي عمره

بر الوالدين عاد انتي شوفي امك وش يفرحها انه امي يفرحها الطبخ بديت ادخل المطبخ ومرة مبسوطه مع الطبخ مع اني قبل كنت اكررررهه لكن شوي شوي تعودت و احلى شي لما ياكلون طبخاتك شعور رائع
ابوك قربي منه اكثر عن طريق السوالف حتى لو هو حايم كبده من سوالفك ،،، خاويه خليه يصير صديقك استغلي هالوقت اللي انتي موجوده في البيت معاه قبل لا تتزوجين وتبعدين عنه


3_ اقري المشاكل الزوجيه >>> هذي تخصصي منها تكرهك في الزواج ومنها ان تتقفين علشان اذا جاك ابو الشباب تكونين متثقفة من هالناحية و تتجنبين المشاكل و تعرفين تتصرفين في اي موقف يمر عليك احسن تصرررف


4_ شوفي البزران وغثاهم دقيقي في الامهات و تعبهم ، محد يستفرغ عليك ولا تضطرين تدخلين الحمام مع ولدك اعزك الله وتمسحين وووو الخ
ما عليك ترى منهم لما يحسسونك انك ناقصك شي
وكانهم عايشين حياة الملكات
ترى لا يغرك
بس اكثر الحريم كذا قصدهم يقهرونك
والا نسوا الحفاظات و الصياح و ححومه الكبدددددددددد

5_ لا تتركين الشغل اياك ،وترى الناس متى ما شافو وجهك مبتسم و راضيه ترى هم بينسون السالفه و لا بينتبهون حتى للموضوع لكن متى ما شافوك حزينه ومكسورة هم بيتذكرون الموضوع على طول ولا بيروح عن بالهم ، ادري صعب ولكن اكلم نفسي واكلمك حاولي في البدايه تصنعي البسمه نافقي طلعي شي وانتي بقلبك شي ثاني ، مع الوقت بعدين بيصير طبيعي بالاول تمثيل من ثم بيصير هذا طبعك ان شاء الله


6_ ابيك تصيرين قويــــــــــــــــــــه قويــــــــــــــــــــه ، اعتبريه تحدي اني افرح لاختي ، تحدي نفسك وان شاء الله انك قدها وبتنحين فالشي ، قولي هن مو احسن مني بشي و بعدين في كثير مثلي كثير تزوجوا اخواتهم الصغار و في منهم اكبر من مشكلتي فيه اللي وصلت 50 وقطعها الحيض وما تزوجت و فيه اللي تزوجت ام 18 والان مطلقة و فيه الارمله و فيه وفيه ، في النهايه هذه دنيا كلها فانيه مجرد امتحان و اختبار وانتي عليك تجتازينه بصبرررررررررررررر اراد الله به ان يرفع منزلتك يوم القيامه ان شاء الله


اتمنى اني قدرت اساعدك بشي
الله يوفقك ويرزقك الزوج الصالح ذو القلب الحنون و الوسيم و ان شاء الله امه تكون احسن حماه و يكون اجودي و راتبه زين و كلامه حلو ويكون نعم الاب و الرفيق
.....