اخوي


انا حالتي مقاربه لحالتك

لكن انا ما اكتئب على نفسي مثلك

وما اهتم من الناس ابد

تقريباً عندي نفس ما تعاني منه


بس الحمدلله جالس اتغلب عليه ولا تتوقع ان الأصدقاء وكثرتهم راح يحل مشكلتك

انت رجال مانت حرمه ولا طفل تقدر تسوي كل شي حتى لو لحالك

السؤال هنا انت متخرج؟؟ وش شهادتك؟

تعمل حالياً او لا؟

كيف علاقتك مع الصلاة؟؟

كيف علاقتك مع القرآن ؟

عندك اخوان واخوات؟

ابوك شديد عليك ..؟؟


تشاهد أفلام إباحيه؟؟

تمارس العاده السريه؟؟

اذا كان عندك علاقات مع بنات ترا ما هو من صالحك لأن هالشي يحد من علاقتك مع الرجال أمثالك..!



شوف اخوي انا ماعندي اصدقاء خارج الجامعه ومن صفاتي اني كريم ومعطاء اساعد زملائي في واجباتهم واطلعهم على تكاليفي الملطوبه مني عشان ينقلون مني بعض الأشياء ومع ذالك ما يعرفوني خارج الجامعه وبعد التخرج بإذن الله تعالى ما راح يعرفوني انا عارف ..!!

انا اول كنت مثلك ليه انا كذا وليه كذا وماكنت احس برجولتي

الآن على العكس انا ما ينقصني شي الحمدلله رجال ومن متوسط الناس والمال والأصدقاء ماهو كل شي

وكلام الناس كثييير لكن ارمي ورا ظهرك

انظر لموضوعي

http://www.66n.com/forums/showthread.php?t=221389

الأخوان والأخوات كلهم ما قصروا الله يجزاهم خير




انا ابيك تشيل كل الأوهام اللي براسك

وتحاول تتوظف وتدخل العسكريه ما دام ابوك عسكري يتوسط لك لو باقل رتبه

صدقني اذا دخلت العسكريه بتلاقي اصدقاء بالهبل بس اذا تتحمل العسكريه

انسى كل الماضي ابدا حياتك من جديد ببساطه

لا تعصب ولا تحزن مهما كااان

وبعد كم سنه تكون نفسك وتتزوج

انت انسان طبيعي


وعلى فكره ترا قاعدين نشوف اعداد كبيييره من الشباب كل مالهم ويميلون للوحده كثييير

انا من ضمنهم

طيب مو ضروري يعني تروح للسوق ولا مقهى انا ما احب هالاماكن

روح قضي اغراض اهلك واخدم اهلك

روح تمشى لو بالسياره


ولو انت بالرياض انا مستعد اركب معك وندور ليييين يفتر راسك


خليك اجتماعي اي واحد يعجبك من اقربائك تواصل معه وتوقع منه اي ردة فعل

ترا انا شبه ما عندي اصدقاء وعايش حياتي عادي

نوم - صلاة - بقاله - فرفره - تسجيلات -

النقطه المهمه هي غض النظر ولا تتوقع ان المكالمات مع البنات راح توسع خاطرك بالعكس بيضيق صدرك ضيقه ما يعلمها الا الله

الزم الصلاة ان اردت سعة الصدر والرزق


الزم الصدقه >> انا مجربها

اذا شفت احد بالشارع يحتاج مساعده ساعده

اذا رأيت كناس البلديه تصدق عليه بعصير او خبزه او ريالين تحس بسعاده عمرك ما ذقت طعمها


ولا تحزن ان ما عندك ىاصدقاء عادي هذي طبيعة بعض الناس تلاقيه يتمنى يصير عنده اصدقاء بس ما عنده وهذا قضاء الله وقدره وبهالزمن عدم وجود الأصدقاء افضل

ان استطعت تكملة تعليمك كمل الدراسه

بالتوفيق لك