السلام عليكم ..

المستشار رجل الرجال متابع معنا ..

امس رجعت من السفر , رحت بيت عمتى على اساس اخذ زوجتى لكن تفاجأت أن امها ترفض وتقول تعبانه

خلها اليوم عندي وبكرة اجيبها لك , وشوفها انت الحين , كانت نائمة بغرفة امها " يعني تنام مع امها " سالتها

أش فيها ؟ قالت إن فيها صداع شديد من يومين وتأخذ مسكنات كل 8 ساعات , وقت شفتها كانت فعلا تعبانة

قلت مو مشكلة انا مو مرهقها ترتاح ببيتها , لكن امها رفضت , فقلت خلينا نسألها : سألتها بتروحي معي أو تجلسي

عند أمك ؟! ماردت وطالعت بامها , وعدت السؤال ثاني ؟ قالت بجلس عند أمي ..! أنا عارف إنها بتروح بس عشان أمها

قالت كذا .. رحت وخليتها ..

اليوم العصر جابتها امها , وجلست معها وسالتها إش الي صار ؟ قالت ماصار شيء ، وبالقوة اسحب منها الكلام ..

وعرفت أن امها أخذتها مغيره لها جو , وموديتها مولات ومطعم , وجايبه لها أغراض كثيرة فساتين وشنط وعطورات

بس الي لفت نظري جايبه لها " دبدوب لعبة " ..؟!! مادري صراحة ليش وإش الهدف ؟ وجايبه لي هدية عطر ومحفظة

تقول من امي لك .. ههه سبقتني لكن انا كنت جايب الساعة معي وعطيتها أمها وشكرتني وقالت لي لاتزعل مني لأنك مثل

ولدي ..

وعرفت إنها مطلعه فجر عشان تهديها نفسيا , يعني امها عرفت إنها السبب باللي بفجر , وان فجر تخاف منها حد الرعب ..

يعني نقاشي معها جاب نتيجة الظاهر لكن عكسية للأسف ..!

وتناقشت معها في الطلعة , وقائله لها كلام وافكار كثييرة ومفضفضه معها , وقائله لها : إنها عانت مع أبوها " ابو فجر "

وانها ما تبغى فجر تكون زيها , وانها تعبت بحياتها كثير وخائفة على فجر من المعاناه , وقائلة خاصة إنك مريضة يافجر

وانها ما تبغاها تخاف منها إذا قست لا تبغاها تتعلم القوة و ما تتأثر بأي شيء ..!

وهذا الظاهر الي متعب فجر بالتفكير وجايب لها الصداع , حتى لما جتني هاادئة جدا وقلقانه وما تتكلم إلا إذا كلمتها

و ما تنام ومازالت تعاني من الصداع وتشرب قهوة تزيدها ارق وقلق ..


- ما أدري إش العمل الآن ..!