(أم جمانة)...استفدت جداا من مشاااركتك القيمه ومهما شكرت لم استطع ان اوفي حقك يكفي انك خصصتي لي من وقتك لمتاابعه مشكلتي اداامك الله بالسعاده جوزيتي خيراا
و كما دكرت اني الان امر بوعكه صحيه انتضر انتهاءها وبعدها سابدا بالاصلاح الامور
ولا تحرموني من دعوااتكم
وبخصووص النصائح التي نصحتني بها احاول ان اطبقها بطريقه متفاوته وليست دفعه واحده
لكي لايشك بالامر وسوف اكون له العشيقه بالحلال بادن الله
وسارجع له لكن بعد ان ابين لمادا تركت المنزل وماهي الضروف التي ارغمتني على دلك
لكي لايستهتر بي ويضن باني العب ولايستغلها كنقطه ضعف مستقبلا واني مهما زعلت مصيري ارجع له .. كدا بيفكر زوجي اعرفو وعشره عمر
.........................................
في نقطه بعد احب انو تفيدوني فيها وهل انا على صواب اما على خطا
1_ صفه في زوجي مضايقتني انو يستخدم معاي اسلوب العقاب كالاطفال
.. يعني مثال مره رحعت من تمشيه وانا ابكي لانو نكد عليا وقعدت طول الطريق وهوا يهدد ويتوعد ويستهزء انا التزم الصمت ادا حصل بينا مشاده
لانو يتمادى وسوف يحصل مالا تحمد عقباه فسرت اسكت واسد ادني الين مااوصل البيت واروح افرغ كل الي بقلبي بالبكى ابكي وابكي حتى ارتااح
فلاني مابغا يشوفني وانا ابكي فالجا للهروب الى السطوح ومالي خلق اشوفو فيجي يرسلي على جوالي يهدد ادا مارجعتي البيت خلال خمس دقايق بحرمك من الطلعه اسبوع كامل من البيت فانا ارسلو انو انا في السطوح وابغى اقعد مع نفسي شوي ممكن لا مايقنعو ردي
ويحرمني من جد مايراعي مشاعري ...
ومره بعد ظلمني اني انا الي ضيعت مفتاحو حق السياره قلتلو والله ماشفتو قالي شوفي ادا ماطلعتيه الان بتشوفين شي مايعجبك
سكت ساكته وقعد يستنى ويستنى في الاخير قام اخد الاب توب مني وقالي مانتي شايفتو حتى وتطلعين المفتاح حقي
مادري ويش يحسبني
او مثلا بعض الاحيان يغصبني الا اروح بيت اهلي ! مادري ليش غصب بعض الاحيان ارد عليه واقولو لا انا مالي نفس واصر على رايي ومرات اسمع كلامو
عشان مايزعل!! ومره رحت عند اهلي على اساس اني ارجع جت الساعه انثاعش ومااخدني اتصلت عليه انو وينك ماجيت غريبه قالي كدا نامي عند اهلك
قلتلو انا ماستعديت حبيبي قالي شوفي انا ماني جاي اخدك دبري نفسك زعل وقفل السماعه وارسلي رساله بعدها انو انتي
ماتستاهلين هدي جزاتي عشان بصلح لك المكيف!! طيب هوا ماوضح لي من اول انو انتي بتنامين
واني بكرا بجيب عمال يبغا اكتشف الي يدور بعقلو كدا من نفسي كدا فجاه ولازم اكون المطيعه الي ماتجادل ولا تاخد وتعطي
يتحكم فيني كثير ماحب بهدي الطريقه احب يكون في تبرير للي بيسويه انا على عيني وراسي بسمع كلامو بس كدا تفكير اطفال ماحب
في اسلوب طيب مو بالغصب والعناد
..........................
ملاحضه اخر بعد عندي ان زوجي هووا طبعه عصبي جدا حتى قبل الزواج اول ماخطبني
اهله وضحو لي انو عصبي جدا لاتنصدمين منو انا من الهيام الي كنت فيه وقتها
ماعطيت الموضوع اهميه
قلت عاادي بس بعدها انبلشت
وعشان مايقول البعض اني انا سببت له هدي الحاله العصبيه الي يمر فيهاوعشان توضح الصوره اكثر
كان لما يتهاوش معاي ويقولي انتي قصرتي في كدا ولا عمرك سويتي ودايما البيت مخرب وانتي ماتطبخين لي وانتي متناقضه ومادري شنو
كنت بعدين ادا رضي بطريقه دلع اقولو انتا ماتحبني يقولي لامن قالك قلت الا كلامك ليا لما هاوشتني يدل على كدا
يقولي لاا غبيه انتي من جدك تصدقين .. واحيان يقولي كلام اليل يمحوه النهار
يعني الكلام الي يقولو ليا مجرد يفش غلو فيني اتوقع بس انا ودي اعرف ليش يحاول يزعزع ثقتي !مستغربه ادا في
احد عندو اي معلومه يقدر يفيدني اكون شاكره
التعديل الأخير تم بواسطة غموض.. ; 03-07-2011 الساعة 04:45 AM
03-07-2011, 04:27 AM
ضوابط المشاركة
العرض الشجري