[SIZE="5"]أقسم بالله العظيم أنى بعد كل هذه التجربة المرة تأكدت فعلا أن الزواج نصيب .. وأن الإنسان لايتزوج لابشكله ولاثقافته ولاأصله ولا....إلخ ... فكثير من أصحابى شكلهم .
دايما اخي m.s بتستوقفني عبارة من الي بتحكيه........انت بتحكي هيك لكن الواقع شي تاني ......عندنا بفلسطين ما بدورو غير عالي عنيها ملونة وابصر شو مالها وازا فيك عيب خلقي واحد معناته ماّلك انك عانس صرت.......انا الي فترة بعمل نفسي قوية ومابدي اهتم لكن ادركت هلأ انه لو كنت متزوجة كان وضعي بين اهلي والي حوليا غير.......انا ما بدي احكي لو لكن انا صرت احس حالي عبء عالجميع مع انه مافي شي صراحة بنحكالي لكن لما تنخطب اختي الاصغر واختي المتزوجة تيجي بتحس في وضع مو طبيعي ........بالاول والاخير كل شي قسمة ونصيب بس ليش لازم تحس انك مذنب ليش يوصلوك الناس انك بدك تتزوج باي طريقة شو ذنبه الواحد ان ربنا كتبله هالشي ليش لازم يعذبوه فوق همه ما بعرف ......نفسي اعيش ببيت لحالي عشان ما احس هالاحاسيس.......وان حبيت من الي حواليك يهتمو فيك ويحصرو على مشاعرك بتلاقي العكس والاهتمام للي متزوج او بنخطب ......بتشعر وقتها انك لازم تلاقي حد يقبل فيك باي طريقة عشان ترتاح من هالاحساس.......لكن ما راح اعمل هالشي ما بقول غير ربنا كبير وهو اعلم بحالي وراح يكون بكرة احلى باذن الله ربنا ما راح يضيع الصبر عالعذاب ببلاش ربنا راح يؤجرنا على هيك.........ما بحياتي تخيلت احكي هون بهاي الصراحة لكن قلبي فاض فيه وحاسة اني متت قبل ما اموت عنجد.......سامحوني بليز بمر باوقات صعبة ومحدش حاسس فيا للاسف.....[/SIZE]
__________________
اللهُم امنحنِي ذَلكَ الحُب الذِي يُقلبُ سُكوني وَ تَشاؤمِي إلى دُنيا خَصبة خَضراء مَرحة
03-07-2011, 09:44 PM
ضوابط المشاركة
العرض الشجري