اخواتى الغاليات احبكم جدا ويارب ما يعدى شهر رمضان الا وكلنا حوامل باءذن الله
هالا 122 انا كمان اشتقتلكم جدا ويعلم الله انكم دائما على بالى وسامحونى على الغياب والله غصب عنى فالنفسيه السيئه من ناحيه والظروف وانشغالى مع والدتى من ناحيه وحاجات كتير لو حكيت عليه مش هيكفينى صفحات كتير اشكرك على سؤلك عن اخبارى
حلم حياتى(........)سابفا انتى العسل بجد مش عارفه اقولك ايه على زوقك وسؤالك عن والدتى الحمد لله هى بخير لكن مينفعش تبقى لوحدها لازم بيكون فى حد معاها لذلك اصبحت بينى وبين اختى وطبعا الموضوع ده بيتعب نفسيتها جدا بس هنعمل ايه الحمد لله على كل شىء
زهور الدعاء حبيبتى فى الله انا مقدرش احرمك منى واكيد لوده حصل هيبقى غصب عنى اما بالنسبه لعتابك ليا فعندك حق بس برضه والله غصب عنى انا فعلا بداءت الحقن وكان وقتها عندى مشاكل فى النت وبعدين فى فتره الانتظار جربت انى انام على ظهرى خالص ولا اقوم من على السرير الا للحمام اعزكم الله والصلاه يعنى جربت اعمل حاجه مكنتش بعملها فى المرات السابقه ولكن قدر الله وما شاء فعل ومش كده وبس فى نفس اليوم اللى الدوره جائت فيه توفت اخت زوجى فجاءه وبدون اى مرض فطبعا كانت صدمه للجميع وخصوصا زوجى لانه هو اللى كان معاها واخذنا فتره كبيره مع والده لانها هى اللى كانت بتعيش معاه لانها غير متزوجه رحمها الله طبعا بقى مش هقولك بقى على العزاء وفرصه الناس للسؤال عن موضوع الحمل مع انه مش وقته ولامجاله بس الحريم بقى طبعا(زودوا من الطين بله) ههههه ده مثل مصرى معناه انهم زودوا مافيا من هم الحمد لله على كل شىء طبعا من وقتها مش عارفه حت اخذ نفسى لانى بين امى وابو زوجى يعنى مفيش اى تغيير جو حتى زوجى تركنى وسافر لاداء العمره مع والده وطبعا كنت متضايقه جدا لانه اول مره يسافر ويسبنى فالامور كلها جت ورا بعضها سا محونى على الاطاله بس مقدرش على زعل زهور منى فكان لازم اقولها ولو على جزء من مشاكلى ياريت تكونى عذرتينى اما بالنسبه لموضوع الحمل ففعلا مش عايزه افكر فيه لانى بجد تعبت وعايزه ارتح شويه جسمانيا وذهنيا وماديا ولكن عندى امل فى الله سبحانه وتعالى يرزقنى من حيث لا ادرى اشكرك جدا يا حبيبتى انتى اللى عسل ومتزعليش منى ادينى فضفضت ووجعت دمغكم معايا
كل الاخوات الغاليات كوكار بنت بلدى ودودى دبدوبى سلمى منى 777 كريستالا مرميس نور حلمى الزرافه عشوقه الطيبه
ام جويريه وكل الاخوات وسامحونى لو نسيت اسم يعلم الله انكم دائما فى قلبى وعقلى ولا انساكم ابدا تقبلوا حبى ودعائى
__________________
رَبِّ هَبْ لِي مِن لَّدُنْكَ ذُرِّيَّةً طَيِّبَةً ۖ إِنَّكَ سَمِيعُ الدُّعَاءِ
09-07-2011, 12:48 AM
ضوابط المشاركة
العرض الشجري