لي متزوجة فوق عشر سنوات
عمري 29 وعمر زووجي 36

زوجي ببداية الزواج كانت علاقتنا الخاصة طبيعة هو اللي يبدأ ويطلب

بعد فترة مرض ووصف له الطبيب علاج يأكله مدة طويلة وكان من أثار العلاج ضعف الرغبة

بعدها ماعاد يطلب صرت انا اللي ابدأ معه ولو ماابدا مدري كم يجلس

العلاقة تصير 3 مرات بالشهر

اتمنى انه هو اللي يطلب من نفسه صح انه يجي اوقات يطلب بس احسه علشاني

صارحته اني ابي احس انك ترغب فيني مو لازم علاقة كاملة وكل مرة يقول لي العلاج السبب
انا مااعترضت على العلاج لكن مشكلتي اني ابي احس اني مرغوبه ماهمني الجنس كثر ماهمني ان يدخل البيت مشتاق لي يضم يقبل مو يدفعني لمن اجيه ويقول وخري عني
هو فاهم اي تقرب مني يعني ارغب بالجنس وانا لالا حاولت افهمه يقتنع احيانا لكنه يقول انت ماتشبعي

اذا كان راغب بالعلاقة مايوضح هالشي ويبني انا اللي دايم اطلبه مدري ليه ودي احد يفسر هالحالة
اخر مرة دخل الغرفة قال ابنام يبني اجيه زي العادة انا قلت ابشوف اخرتها قلت له انا ماراح انام وجيت ابطلع قال تبين التلفزيون مااطفيه قلت اييه ابجي بس لمن اخلص شغلي ورحت ورجعت لقيته يتقلب قال بتجلسين قلت ابروح وارجع ليه قال لالا بس علشان التلفزيون قلت اذا ازعجك طفه خلاص ماابييه قال لاماازعجني ( كنت ابغاه يعترف انه يرغب بالعلاقة لكنه يتصدد )
انا عارفه انه يبي العلاقة بس زي العادة يبني انا اللي اطلب وانا اللي اجيه مو هو
طبعا هذه االسالفة دايم تتكرر وانا افهم رغبته بمقدمات يسويها يتروش مثلا يتعطر يروح للنوم بدري

مدري ليه هو كذا مرة ناقشته قال انت عودتيني وانت تعرفين طبعي والجقيقة هو اللي عودني مو انا
مرة قال لي المفروض الحرمة اللي تطلب والرجال زي الاسد اللبوه هي اللي تتقرب له
واحيانا على بالي انه يرغب بالعلاقة ولمن اقرب منه يصدني ويقول انت فاضية
طيب انا مااعلم الغيب وبنفس الوقت ابي احس بشعور الحرمة لمن تحس ان زوجها يرغب فيها مو هي اللي ترمي نفسها عليه واحيانا يوافق واحيانا يصدها

اتمنى منكم المساعده