هل أنا طبيعي ..؟؟ - منتدى عالم الأسرة والمجتمع

06-08-2011, 01:46 AM

#30

βяOňż maИ 26

عضو جديد

تاريخ التسجيل: Aug 2011

المشاركات: 8

.
.
السلام عليكم ورحمة الله وبركاته

هلا بـ اخوي / غريب

قبل كل شي (كل عام وانت بخير) واعضاء المنتدى الغالين
والشهر عليكم مبارك جميع ـآآآ..
بالنسبه لموضوعك اخوي .. غريب
انا قبل ماسجل في المنتدى ، سويت بحث في الانترنت على قوقل وكتبت جملة (وحداني بدون او{ماعندي} اصدقاء)
ولقيت كثير زي حالتكـ يا اخوي
وكنت ابي اشوف من مثلي ..
ثلاثه من الشباب كانو يدرسون معي في مرحلة الثانويه قبل تقريبا 7 سنوات
صادفت كل واحد منهم على فترات متقطعه خلال السنتين الماضيه
وكانو يقولون مثل كلامك صارحوني بمعاناتهم مع الاصدقاء .. واحد منهم تعرض لخيانه من صديق له ولازم البيت وكان هو الصديق الوحيد .. والبقيه بدون اصدقاء من بعد دراستهم معي.
فـ حبيت اشوف النسبه من خلال العم قوقل ههههههه ولقيت الموضوع ماخذ حيز كبير في المنتديات

ولقيت ناس كثير تعاني من انعدام الصداقات ومن الوحده والعزله.. من السعوديه ، المغرب ، الاردن ، الكويت ، الامارات وكثير من الدول
ممكن يكون للتكنولوجيا دور في هذا مثل مانت عارف اخوي
(بلاك بيري وانترنت و ايفون وغيره .. الخ) كل هذي احيانا تسيطر على تفكير الواحد وتخليه في حالة انعزال
لكن اللي شايفه فيك انك انسان داخلك اجتماعي بس مالقيت الصديق اللي يفهمك .. وتميل للهدوء وهذي صفه ايجابيه .. انسان محبوب وبنفس الوقت جدي في تعاملك ونادر تلقى الصفتين مجتمعه في شخص..
ماهوب كل من هجول او لعب بلوت نعتبره شاب سوي و له ثقله في المجتمع بالعكس > كثير من الاشخاص الهادئين يكون عندهم الحكمه وعندهم تريث بالامور اكثر من غيرهم وهذي صفه ايجابيه
انا انصحك اخوي غريب تسجل فـ نادي رياضي حتى ولو كان في خاطرك انك ماراح تستمر سجل يوم يومين ثلاثه وراح تتعرف على اصدقاء اكثر ولا تنسى الملتقيات والمخيمات حاول تكون فعال فيها اللي تقام كل سنه وراح تتعرف بعد على اصدقاء..
وعلى حسب كلامك انت ماقصرت مع والدينك وهذي من اجمل الصفات فيك (الجنه تحت اقدام الامهات)
وابشرك انك على خير .. وقدامك الامال والطموح بـ صديق او بدونه..
باقي اذكرك اخوي غريب اني كنت في السابق مثلك كنت عاطل خلصت الثانويه ودرست كلية الاتصالات خلصت فيها سنه ونص بقت لي سنه وبسبب ظرف لوالدي تركت الدراسه وجلست في البيت ملازم له اربع سنوات

والان اعمل موظف في احد القطاعات والحمدلله مرتاح وكونت صداقات من العمل
مع انه بعض الصداقات كانت لمصالح العمل
وهذي الصداقات هي صداقات وقتيه وانا مع الوقت ان شاء الله حاط في بالي اني اكون صداقات قويه والشيء هذا ماهوب مستحيل على اي انسان ..
ولكن الانسان مع الوقت ومع تجاربه مع الاصدقاء يقدر يحكم بعقله من صديق المصلحه ومن غيره ويكون كل واحد له تعامله الخاص فيه.
واخيراً وليس آخرا : اتمنى لك التوفيق في القادم من الايام..:14:
وانا حاضر لكل تساؤل يطري على بالك
تقبل تحيات / اخوك برونزي..

.
.

التعديل الأخير تم بواسطة βяOňż maИ 26 ; 06-08-2011 الساعة 02:05 AM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه