كنت مثلك وربي
بس اصغر منك كان عمري 21
وللاسف اني ندمت قد شعر راسي
اطلبي حقوقك منه بادب وفلوسك لك
ولا تجبرين نفسك انك ماتتزينين لا انتي غلطانه البسي احلى شي
واذا تكلم عن الفلوس
قولي له خلاص مايحتاج فوقتها عشان يفهمك قولي انت كذا تحسسني بالذنب والشي الي فيه منه انا عايفته ماابيه
اتمنى ما توصلين للتطورات الي وصلت لها انا
لكن الحمد لله ماديا
كثير يتعجبون من تدبيري ويقولون لزوجي انت كيف وصلت لها المستوى مع ان الواضح انكم مسرفين
انا اشتري ملابس المناسبات افخم واغلى شي لي واطفالي
وغيره من التخفيضات والبجامات وكذا اخذها من الهرم وكذا بس كم وحده فخمه قدام الناس وبس
انتبهي لنفسك وصارحي زوجك
قبل مايجيك اكتئاب مثلي
وقتها لو تصرفين على نفسك فلوس الدنيا ماتنبسطين
اختي انا كنت زيك اكرر
انتبهي تكتمين نفسك على حساب زوجك ترى لو صار لك شي ماراح يفيدك
كلميه بصراحه حبيبتي قوليله في شي كاتم على نفسي ووريه محفظتك قولي عمرها ماكانت فاظيه انا ادري حبيبي انت ماتقصر الله لا يخليني منك
بس انا مااعرف اطلب
انا اتعب اذا احتجت شي
اعرف وحده استمرت زيك لمدة ثلاث سنوات وبعدين انفجرت وطلقها اجتمعت عليها المشاكل وجمعتها وكبتتها بصدرها ويوم انفجرت صارت كل يوم تطلع مشكله له قال بنفسه ذي ماعاد تبيني
كل يوم تقعد تدور شي وتقوله لي افتك منها واريح نفسي
مايدري انها تعبى قلبها من الكبت ولا تنفع دموعها ولا بقى عندها دموع اصلا
التعديل الأخير تم بواسطة توفي ; 21-09-2011 الساعة 08:02 AM
21-09-2011, 07:52 AM
ضوابط المشاركة
العرض الشجري