روعة المعنى مرحبا ياغالية ...


كلنا بنات وأكيد كل وحدة لها نفسيتها ومزاجها وطبايعها اللي تخصها ... بس أنا أشوف أني مرة فاهمة ردات فعلها بمنظوري أنها بنت لسى عروسة ومالها غير سنة ...


أول سنة زواج اسألي أكثر اللي تزوجوا ولهم خمس سنين أو ثلاث راح يقولون لك أول سنة كلها صياح وزعلللل وتبدا الأيام الحلوة بعد السنة عند أكثر الحريم ...



ماأقول أن حماقتها وأنا اسميها حماقة فعلاً مقبولة ... غيرمقبولة بالتأكيييد ... لكن لكل فعل ردة فعل سواء إيجابية أو سلبية ... وثنيتن من قريباتي أحكيهم على موضوع الأخ وزوجته وكنت واقفة في صف الزوج أحمد وانها مرة غلطانة وووالخ؛ قعدوايقولون مسكينة والله يصبرها وضعيفة ومن هالحكي ... تدرين أن بعض البنات ماتطيق الرجال الرومنسي (بزيادة) تدرين أنها ممكن تستهجن تصرفاته !!؟؟
بعض البنات يعجبها ويشدها الرجال الحازم الرزين اللي يتقبل الرومنسية تكون مبدئيا منها هي مو منه ... بشرط يكون حنون مو رومنسي بزيادة ... كل شخص ومزاجه اللي يحكمه ...








أول سنة زواج حسيت بدت تخرب علاقتي بزوجي لأنه مرة مدلعني بس كنت أفهم دلعه غلط وتماديت؛ وحسيت أنو غلط نبقى كذا وصارحته أني أبغى بيني وبينك رسمية عشان ماأتجاوز حدودي لأنو بيني وبينك أعترف أن بعض الحرررريم ماتنعطى وجه ولا بتتمادى وانا وحدة منهم ولا عندي أي مشكلة أعترف بهالشي اللي فيني ... ولأني عرفت علتي طالبته بالرسمية والإحترام عشان مايخرب بيتي والحمد لله عايشة الحين أحلى عيشة لإني حكمت عقلي وأنتبهت لعمري ...




كونه يعتذر لها عن ماضي ولو بسيط غلطان ومن حقها تزعل ..... لانو هذا الشي راح يخدش إختيارها للرجل اللي أختارته من بين الرجال .... وفتح عليها باب الشك وأن عينه طويلة وووالخ وابليس حريص مايحتاج الله يكفينا شره ...

كونه يقول لها مين إنتي عشان ماتردين على إتصالي من حقها ترسل ... لإني أشوف ردة فعلها طبيعية لكن مو صحيحة ... يختي بعد ردة فعلها القوية الغير صحيحة أرسلت (رد بتفاهم معك) هذا أكبر دليل أنها مـابـاعـتـه بس الحب وعمايله الشينة خلاها ترسل .... وغالبا مايتفرق إلا المحبين من الحزازات اللي تصير بينهم ...



أنا أعترض بشدة على كلامها الوقح وعلى مدة يدها خاصة إن زوجها إنسان محترم ... لكن اللي أقوله (توها اول سنة) بس يرجعها ويشترط عليها شروطه ويغير معاملته ولايكون في حمل لمدة سنة ...





والله من وراء القصد ..