روح حبيبتي هدي نفسك والله حاسه فيكي من خلال كلماتك
أمك الله يشفيها و يعافيها و يعطيها طولة العمر و تشوف عيال عيال عيالها إن شاء الله

لا تسوي كدا في نفسك، و إنتي إن شاء الله قربتي و ما بقى شي من الولاده
استفيدي شوي من الوقت الحين قبل الولاده و حوسة البيبي
رتبي جدولك و حضري اغراض الطفل و أغراضك، ولا تتعبي نفسك و كل يوم شوي شوي

اسمعي قرآن يهديكي (ألا بذكر الله تطمئن القلوب)
و ادعي لأمك بصلاتك و لجميع مرضى المسلمين
و مثل ما قال أخونا أبو مريم، تصدقوا

إن شاء الله فتره و تعدي و إنتي قويه ما شاء الله
و زوجك شاركيه كل شي، اطلبي منه يساعدك، اطلبي منه يهتم بالولد
إشرحيله باللي تمري فيه من وجع الحمل و خوف من الولاده و خوفك على أمك
زوجك من خلال وصفك له طيب و يحبك ما شاء الله بس محتاج يحس أنك بحاجته

اللهم اشفها انت الشافي لا شفاء الا شفاؤك شفاء لا يغادر سقما
اللهم اشفها انت الشافي لا شفاء الا شفاؤك شفاء لا يغادر سقما
اللهم اشفها انت الشافي لا شفاء الا شفاؤك شفاء لا يغادر سقما

امين امين امين