زوجي خلق جفوة كبيرة بيننا (مستجدات 85) - منتدى عالم الأسرة والمجتمع

02-10-2011, 01:24 PM

#11

مليت!

عضو مثالي

تاريخ التسجيل: Jul 2011

المشاركات: 228

شكر كبير من أعماق قلبي لكل من وقف هنا
شكراً لكل صدر حنون أنصت لشكواي وحاول مساعدتي
لو شكرت من اليوم لبكرة لبعد سنة ماراح يوفيكم حقكم
خاصة اللي رجعوا كم مرة ووسعتني صدورهم
شكر خاص للغالية Beta2 ماراح أنسى معروفك يالغلا
الله لايحرمك الأجر ويجزاك الجنة ومن تحبين

وشكر لحبيبتي GREEN222 اللي خذت بخاطرها مني
الله يسخر لك زوجك ويجعله ربي لك مثل ماتتمنين ياآارب

وشكر لحبيبتي هدوء الرياح

رجل الرجال
تمنيت عودتك ورأيك كرجل..
لكن مشكور على اللي قدمت..

البليغ الحاضر الغائب شفت ردك
البنت مو قصدها أبد البنات هناك كذا طبعهم
يحبون الخير ويحاولون يقدمون المساعدة وهي ماحبت تطلع بدون ماتساعدني
كثر خيرها وطبع الحريم كذا يفزعون بدون نوايا سيئة أو نقص في قدر أحد.

-
حبيت أقول
رأيكم دعمني واستفدت منه كثير

لكن.....

حصلت مناوشات أخيرة مع زوجي
والله كذا فجأة عصب من الله
فرغ غضبه فيني بدرجة لايستهان فيها
يكفيني من كلامه إنه قال
لمين تشيلي جسمك بالليزر - إتهام -!! بنظرات لها مغزى!
يعني عشانه ماعاد ينام معي يبيني أهمل روحي!!
وكلام كثير فيه إتهام مع إنه أبداً مو من النوع اللي ينبش وراي
بالعكس زي ماقلت أطلع أي مكان لدرجة لمن كلمته مره استأذن قال وش تبين السواق وعندك وفلوس ومعك!
هو يبي يتحرر مني وبس مو مسألة حب!
جرحني بإنتقاء العبارات اللي يحاول يجد مبرر لهروبه مني
وأنا ماقصرت قليلة كلام وأسكت على ذمه ونقده
بس لمن يعيب في شكل أو خلقة ربي وأنا الحمدلله واثقة من نفسي بس عارفة عقليته في مثل هالعبارات ارد ردود مقتضبة لاذعة تخليه يسكت

حس إن بقلبي كلام وهددني يتصل على أخواني وسبق وسواها ماطلع إلا إنه فضح روحه
وهددني بطلاق وو......الخ ( قصتي تفاصيلها كثيرة ومتشعبة لكن مليت من الشكوى )
كنت بارده وحاول يخليني أتكلم
قلت يافلان شف وضعنا كم له؟
يحتاج نقاش وأنا مافتحت باب النقاش لأني ودي أصلح وأنت أسلوبك أبد مايساعد
وكل ماحاولت لقيتك تعاملني كند ففضلت الصمت
وحبك اللي كان بقلبي لدرجو كنت أحب تراب الأرض اللي تمشي عليه
صرت ما أحبك ولاأ شعر تجاهك بأي مشاعر( حسيت الكلمة جت في الصميم)

آخر كلامي
لاحظت إني حاولت أبذل قصارى جهدي
ماأقول إني مشاءالله علي صح الصح لكن مهما كان مني من خطأ
فالوضع اللي بينا أكبر من مجرد خطأ
شي مجهول
ماهو بيدي أصلحه....
يد وحده ماتصفق..
لعل الله ينير قلبه ويفتح عليه ويريه الحق ويصلح حالي وحاله..

ورقتي الوحيدة الأخيرة أتعالج بالرقية الشرعية إن نفع الله بها كان خير- على أمل أن يبادر هو كمان-
وإذا ماطلعت بفائدة فالحمدلله على ماكتب وقدر لي
اسأله الثبات والسكينة وطولة البال ولعل الله يكتب لي بعد عسري يسرا إنه قادر على كل شي

تحية كبر قلوبكم الطيبة..

التعديل الأخير تم بواسطة ذكريات لاتغيب ; 02-10-2011 الساعة 04:25 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه