السلام عليكم بابا اتمنى تكون بخير :
يا بابا أنا صرت مب قارده اتحمل اجلس بيت عمي أحس والله نفسي تعبت وكم مره أطلب من خالد يرجعني للبيت يقول لالالا , يقولي ماحد غلط عليج ولا احد كلمج ليش مب مرتاحه وأنا والله بعد ما غلط عليهم وأحبهم كلهم بس والله مب قادره أشوف خواته يوم يجون هذا الموضوع معصبني أكثر تخيل يجلسون يضحكون ويسولفون ويا خالتي ( أمهم ) وأنا بس قاعده أطالع فيهم وإذا طلعت جناحي يجلس يصارخ عليا أنتي مريضه وما تحبين أحد , حتى يوم طلبت منه يوديني بيت أبوي رفض خلاص مليت أنا في البيت قاعده ما أطلع مكان أونه يتعذر أنه أبوي مسافر يعني بتروحين عند منو أنا اشتقت لحجرتي طلبته منه نسير سوا ونجلس يومين في بيت أبوي ما رضى , صار يصارخ بسرعه ويرفع صوته يوم يعصب كم مره أعلمه هذا الاسلوب ما يعجبني لا تصارخ يوم يتكلمني يرد يقولي اسألي نفسج عقب حاسبيني يعني لازم يردني انا الغلطانه .
تخيل يا بابا ساعات احسه يستفزني يوم يشوفه امه يجلس حضن فيها ويبوس فيها كانه ما شافها من 100 سنه وهي بعد , انا خبرته لا تسوي هذا الشي جدامي يرد يقول بعد تبغين تحرميني من امي , يعني هو ما يباني أمنعه من امه وهو عادي يمنعني مب من حقه يمنعني طلبت منه نسير سوا عند أمي وأشوفها صار مثل المجنون يصارخ هذي الانسانه ماتت فهمتي ولا لا ريحيني , ليش يكلمني بهذه الطريقه وكل ما نتهاوش يهددني تراني بتزوج عليج يتحسبني بزعل والله عادي .
يا بابا سالفة رقاد بنفس الحجره ما أقدر والله ما أقدر حاولت بس مب قادره أحس أني أول ما أدخل الحجره ونكون مع بعض احس مثل الضيجه وأريد أصيح لغاية ما أطلع من الحجره أرتاح وهو عارف هذا الشيء يقولي تدلعين وغصبن عنج بترقدين وياي بالحجره يعني واحد يدور لنفسه المشاكل .
يا بابا احس نفسي رجعت مثل قبل وهذا اللي مكدرني ومعصبني مب قادره أستوعب شيء ولا اتعامل ويا أحد الكل يصارخ ويعصب بسرعه وانا طبعي لا هادي وما أحب الصراخ ولا صوت العالي خلالاص تعبت.
يا بابا الله يخليك أطلب منه يوديني عند أمي لو يوم واحد بس أشوفها وكم مره أقوله والله لو وديتني عقبها ما راح أتكلم ولا أفتح هذي السالفه وياك مب رااااااضي يقول انسيها
الله يعطيك العافيه بابا
التعديل الأخير تم بواسطة لجين الحزينه ; 07-10-2011 الساعة 11:48 AM
07-10-2011, 11:46 AM
ضوابط المشاركة
العرض الشجري