السلام عليكم ورحمة الله وبركاته..

اخواني واخواتي اعضاء هالمنتدى الرائع اللي استفدت منه الكثير والكثير...

اعرض عليكم موضوعي وارجو من الله اني الاقي عندكم بعض الحلول والافكار اللي تساعدني على حل مشكلتي وبدخل فيها على طول..

أنا لي سنتين متزوجه وطول هالسنتين تصاعدت وتيرة المشاكل بيني وبين زوجي..وكل ما اعدي مشكلة يرجع لي زوجي بمشكله اكبر منها ...
وانا حامل وصلت المشاكل للضرب مرا وثنتين وثلاث..وانا بالنفاس ضرب مبرح وصل الى نزيف واغماء وكبرت الين ماوصلت المشاكل للطلاق..لكن ربي ستر..

المهم رجعت لزوجي بعد ماجلست عند اهلي5 شهور ...بدون رضوه للاسف..بعد ما حلف زوجي انه ما يملكها (وهو كذاب وانا اعرف انه يملك الرضوة واكثر)
تنازلت لكن قلبي انكسر ..حلف قدام اهلي ان يرضيني وللحين لي معه شهر بعد مارجعت ولا شفت منه شي...تغير في اشياء للاحسن..لكن اي شي فيه فلوس احلم فيه مجرد حلم..

طلبت عمره ..طلبت حج... طلبت سوق اشتري اغراض ..طلبت تمشيات..كلها يقول طيب ..

كل هالشي كوم والتغير اللي صار فيني كوم ثاني.. انا حاقده عليه وبقوووه..شايلة في قلبي كل الام السنتين اللي راحت والذل والاهانة اللي شفتها منه..جحوده وانكاره لكل وقفاتي معاه.. كلامه وسبه لي ولاهلي ..ضربه لي وقسوته علي من غير سبب ...كل هذا ماقدرت انساه.. اتناسى يوم يومين لكن بس يصير ادنى موقف انفجر فيه واتذكر كل اللي سواه معي..

هو صحيح تغير... بس من فتره للثانية ترجع له حركاته زمان وحركاته ذي هي اللي تحسسني ان التغير هذا مؤقت الين ما اعطيه الامان وارجع معاه زي اول ..

عجزت اسامحه وارتاح ...احس انه مايبي يبذل اي شي يسعدني فيه ..اي شي يدلني انه يبي يكسب مشاعري..

صرت اهمل نفسي بالغصب كذا كرها فيه..

قبل فتره صرح لي انه يبي يتزوج ..والله ماحسيت باي قهر..قلت له الله يوفقك قال ابيك تجين معي لاهل البنت قلت طيب..

ادري بتقولون مجنونة بس والله العظيم اني موافقه صدق وابي افتك منه ومن مشاكله واعيش لولدي بدون مشاكل..


سؤالي: كيف اقدر انسى اللي سواه فيني واعيش بسلام؟؟

هل ممكن ترجع مشاعري له زي اول؟؟

ارجوكم جاوبوني..