كيف أنمي ثقة طفلي في نفسه وعلاجه من الخوف
السلام عليكم
ابي مساعدتكم ارجوكم
ابني عمره 7سنوات في البدايه مات لي 3
والحمدلله رزقني فيه ربي،الله يحفظه وصرت اهتم فيه
بزياده واخاف عليه منكل شي لدرجة الالعاب انظفها
وفي نفس الوقت اعلمه ع الاداب ومشكلتي اني حاولت
يكون طفل مثالي من ناحية الكلام والنظافه والادب
وكنت حنونه عليه ورزقني الله ببنت وعمره سنه ونص
وصار يبكي ويغار لدرجة ابكي معاه احيانا! وبعد 3شهور
ماتت اخته، وزاد خوفي عليه لدرجة مااخلي احد يهاوشه
حتى الاطفال ارد عنه ومااخليهم يسوون له شي
ويوم صار عنده 4سنوات رزقني الله بأخوه الله يحفظهم لي
واثناء حملي صرت عصبيه وبس اصرخ عليه واضربه
واكثر شي عند تعليمه للحمام والى الان اصرخ عليهم
واضربهم،،،،،،،،
المشكله صار يخاف مني ويخاف من كل شي وينتظرني ادافع
عنه ويبكي لاتفه الاشياء واحيانا يعاندني واذا صرخت عليه
بسرعه يتراجع ويخاف ويبكي وهو حنون واي شي يسويه
يشوف ردة فعلي اذا عصبت يخاف واذا سكت ولاابتسمت
يضحك وينبسط،،،،،،انا خايفه ان شخصيته تستمر كذا
طول العمر،،،ابي حل كيف اعالج الخوف(احيانا اذا خوفته من
حشره ضاره اذا شافها يبكي من الخوف)
وكيف اخليه يدافع عن نفسه
ارجوووووكم ابي حلول وخطوات اتبعها للعلاج
وكيف انمي ثقته بنفسه وهل شخصيته بتستمر كذا طول
العمر ارجوووووكم طمنوني،،
التعديل الأخير تم بواسطة روح المساء ; 29-10-2011 الساعة 12:58 AM
22-10-2011, 10:58 PM
ضوابط المشاركة
العرض الشجري