السلام عليكم ورحمة الله،،،بدخل بالموضوع بدون مقدما،، انا تزوجت من 3اسابيع تقريبا ،، زوجي نعم الرجل مومقصر بشئ ابد،، بعد اول اسبوع من زواجنا عزم اهله للغدا وانا استخدمت كل اللي في الثلاجه لأن اساسا كميتها قليله من خضار وغيره وبعده صارت عليه ظروف ولايحصل ريال راحد..وهلكنا جوع انا،تعبانه جدا معه ادري هالشئ موبيده وادري انه متظايق جدا" ولاينام بس انا تعبت من الوضع تعبت من الجوع ،، قسم بالله اجلس بدون عشى ثم يجي اليوم الثاني ولافطور ولاغدا ولاعشى ،،انا صحيح أكلي قليل بس تعبت مرضت صرت اتخيل جميع الأكلات قدامي،، نحفت كثؤير جسمي تعب ماقدر اسوي شئ ونفسيتي تعبت،،ورافض اني اتسلف من ابوي او اخواني،،وزملائه ولاواحد رضى يسلفه ،،واخوه عطاه 100ريال فقط..تفاجأنا بزيارة ابوي وسألني قدامه عسى مرتاحه ناقصك شئ؟قلت كل شئ تمام ..حطيت القهوه قدام ابوي..قال زوجي وين التمر،،وهو عارف ان مافيه بس انحرج من الوالد قال ليش ماعلمتيني اجيب ..قلت نسيت..وراح بيجيب وانا عارفه مامعه ولاريال واحد..وتأخر شوي سألني ابوي قال غريبه تأخر البقاله عند البيت..قلت مدري ..وزوجي من النوع اللي كل شئ ضحك يعنس ماشاءالله عليه كتوم،ويفرفش بكل الأحوال ويرسلي رسايل وش رايك لسرق من البقاله ههه والا وش رايك قفل جوالي ولا ارجع»»هذا اسلوبه..وبعد شوي رجع ومعه تمر ..قلت من وين قال دقيت على اختي وعطتني هذا من البيت شفتي كيف الله يسرها،،المهم انا تعبت من الوضع وعطيته طقم ذهب يبيعه ويفك ازمته..نسيت اقولكم يوم جاه الراتب ماتقضى للبيت سألته وين اللي بقى من راتبك قال 500 عطيتها امي والباقي سددت الدين»»»وكلامه صحيح..انا تضايقت بدون اوضح له انا هلكانه جوع عنده وهو يعطي امه 500 وهي مومحتاجه،،انا عطيته طقم وباعه بي ألف وخمسميه طبعا كل هذا ابيه يعبي مطبخي والباقي يحرقه كيفه وناقصتني اواني احتاجها في الطبخ ناقصتني اغراض للبيت كثيره وقلت في نفسي مو لازم اهم شئ تتخسن الظروف الآن.. ويروح الأخ يشري الأشياءالرئيسيه مثل الخضار والرز والدجاج فقط مع اني طالبه اشياء احبها.. وبنفس الليله يجي يقولي عزمت عمتي امي خالتي ووووللعشى عندك يوم الأربعاء يعني بطبخ لهم اللي عندي واجلس طول الشهر ميته جوع..بالله ايش اسوي ..طبعا اكراما له بستقبل ضيوفه احلا استقبال لكن والله منزعجه من تصرفه وياليت يتركني اخذ من اهلي ..لاممنوع هالشئ عنده..بالنسبه لطقم الذهب قبل ياخذه لكن بشرط ماأسأله كم صرف وكم بقى لأنه ناوي يسدد منه لشخص يطلبه مبلغ وانا قبلت بالشرط واخذه على اساس يعوضني وانا عارفه شخصيته زين وعارفه ان موضوع الطقم ينام ويشرب معه يعني ماراح يرتاح الا اذا عوضني عنه.. وانا والله موهامني اهم شئ راحت بالي ولاينقصني شئ..الآن انا احس بتعب من الوضع وافكر اهرب من هذا الوضع نفسيا ارهقني هذا الشئ ..مع انه رجل صالح وطيب وحنون لأبعد حد وانا سبق ان مريت بتجربه زواج مع زوج ظالم ..وزوجي هذا عكس الأول بكل شئ الحمدلله لكن نقطة زروفه الماديه اتعبتني.. نصيحتكم لي