بما أنه لجين ما تدخل النت هالايام وما تقرأ موضوعك بتكلم معك بصراحة يا ابو خليفة ... كلام أم لولدها
تخيل شعور لحظة تبليغك بوفاة الوالدة ربي يطول بعمرها ويحفظها لك ... أدري طلبي مزعج ويعصب لكن تخيل للحظة ذاك الشعور ....
هذا الشعور تعيشه لجين مرات ومرات مو مرة واحدة وبس ... بكل انتكاسة بموضوعها مع امها يرجع الزمن وكأنه ينعاد مرة ثانية وترجع لنفس اللحظة الأليمه تعيشها مرة ثانية .
قدرت تتخيل نفسيتها ؟؟
بتقول لي وأنا شنو دخلني ؟؟ شنو ورطني ؟؟؟ هاذ انا مرضت وتعبت ... ونفسيتي مثل الزفت من اكثر من سنة ؟؟؟
أبو خليفة لا تعطيني عنك فكرة انك انسان أناني ... انت مو أناني ولا متبلد الشعور
هذي زوجتك وأنتو كعائلة عايشين مشكلة وكرب له نهاية باذن الله .. مثل لو لا سمح الله انت تعرضت لمرض أو حادث تروح لجين بيت أهلها وتتركك الى أن تتعافى وبدل ما توقف معك تقول وش هالبلا اللي جاني ؟؟ ليتني أقدر أتزوج الى أن تخلص مشكلة أبو خليفة !!! الظاهر انها بتطول ؟؟؟؟؟؟؟؟؟؟؟؟ معقول هذا الكلام .. هذا كلام يصدر من شريك عن شريكه؟؟ .. من حبيب عن حبيبه ؟؟
اذا ما وقفنا لبعض وقت الشدة وش حاجة وقت الرخا والفرح ؟؟؟ أصلا ما نحس بذاك الفرح ولا يكون له طعم
__________________
09-11-2011, 11:17 AM
ضوابط المشاركة
العرض الشجري