يا أختي الكريمة لا تحطين بذمتك كلام مو متأكدة منه وشو اللي واضح اني مصدوم الله يهديك انا ماقلت رفضت تساعدني وخبت الذهب وانتهى الموضوع

وبعدين انا الحمد الله امنت المبلغ كامل وقريب بشتري البيت خلاص انتهى موضوع الفلوس من قبل لا اعرف انها باعت الذهب وبشرتها اني خلاص غطيت المبلغ كامل وقلت لها بالحرف الواحد

الحمد الله اننا مابعنا الذهب سبحان الله نحتاجه في يوم من الأأيام وكل يوم الذهب يزيد سعره وكل زيادة تعني زيادة بالأرباح وهي تضحك ومبسوطه وتقول الحمد الله ماتضيق الا تفرج وبعدين اتفاجأ انه الذهب مبيوع وليه تضحك علي وتسايرني

يعني ترتيب الأحداث كالتالي علشان تصيرون على بينه

طلبت منها الذهب وقالت لا ( قلت حقها وحر مالها ولها حرية التصرف فيه تعطي من تشاء وتمسك عمّن تشاء )

دبرت مبلغ وقلت لها ناقص مبلغ بسيط تساعديني ؟؟ وقالت لا ( حقها ولها حرية التصرف بحر مالها كما تشاء )

تسلفت من اخوي المبلغ الناقص وقلت لها الحمد الله غطينا المبلغ كامل ولله الحمد وما نحتاج نبيع الذهب

قالت الحمد الله ربي فرجها ما تضيق الا تفرج

وش اللي قتل فرحتي ؟؟

اني لما فتحت كشف الحساب لقيت اني من بعد ما تسلفت من اخوي مبلغ وقلت لها فرجت تقول الحمد الله ما يحتاج نبيع الذهب وفي تاريخ الكشف انها مودعه المبلغ قبل هالسالفه يعني خبت علي انها باعته

وابي اعرف ليه وبس