احترم عاطفتك وعطائك وبذلك بكل شي
ومحبت الناس بيكسبها الطيب والخلوق بتعامله
حطي باعتبارك
اللي بيحبك بيحبك ويقدرك بدون هدايا وبدون تنازلات
واللي بيحبك لمجرد عطائك فاسمحي لي ما يعرف الحب
زوجك تعود على اشياء عودتيه عليها من بداية مشواركم بالحياه
ومسكت معه وكمان اهله نفس الطريقه لو كان لهم حدودهم من البدايه ما تعدوها لاهم ولا هو
وبقول لك شي مهم مهما اعطيتي وبذلتي مستحيل امه تعدك مثل بنتها او اخواته يعتبرونك اختهم
واذا حصل ففي النادر من الحالات
اخطأتي في البدايه واللحين جا الوقت اللي تعدلين فيه خطأك
„„غلطي في اعطاء زوجك مجال انه يغلط عليك اساس الحياه التفاهم واحترام الطرف الثاني وباي علاقه سواء زوجيه او صداقه او اخوه او اي شي تبنى على الاحترام قبل اي شي ثاني
وصعب الاحترام من طرف واحد
الحل
جلسه هاديه بعد ما ينامون الاولاد وبوقت تكون اعصابكم هااااديه ورايقين
تناقشو بـ
اول شي وعد منكم بتبادل الاحترام بينكم وحركات السب والشتم ذي على الفاضي والمليان وخليك واثقه من نفسك وجديه وبيني له هالشي ولا تسمحين له يرفع صوته ويسب
وعلى نقطة تدخل اهله بحياتكم الخاصه وطلعاتكم وكل شي بيني له ان هذا شي خاص بينكم الاثنين ومو من حق احد يعرفه او يتدخل فيه ايا كانت قربته لكم
وتناقشو على اي شي ثاني ما ذكرتيه واساليه وش الشي اللي ما يعجبه فيك وانتي بعد قولي له الاشياء اللي تضايقك فيه
وتفاهمو عليها

اذا عديتي هالنقطه وتفاهمتو وانعدل الباقي يهون اهم شي اللي بينكم اول
وقولي له بكل ثقه يا فلان انا ماني صابره على تعاملك الا لاني احبك وامشي كل شي بمزاجي ولا هو غباء مني
لكن تبينا نستمر ونكمل حياتنا براحه احترمني ومشاكلنا الخاصه بينا وحط حد لكل شي يصدر من اهلك بخصوص حياتنا ولا ترا
ماني مستعده اكمل على عطاء وتحمل من طرف على حسابك زي ما تحب اعاملك عاملني ولا مثل ما تعاملني بعاملك
هذا اول شي تسوينه واذا نفذتي هالشي قطعتي مشوار كبيييير واللي بعده بسيط
وواكد خليك جديه ولا تحنين هاذي حياه ماهي لعبه
ما رضا نفذي كلامك وعامليه مثل ما يعاملك اذا قال ليه تسوين كذا قولي ما عجبك ترا نفس اسلوبك دامه مو عاجبك ترا انا بعد مو عاجبني

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..